ഉപഭോക്തൃ ആരോഗ്യം പ്രോത്സാഹിപ്പിക്കുന്നതിനൊപ്പം കര്‍ഷകരുടെ വരുമാനം വര്‍ധിപ്പിക്കുന്നതിനുള്ള ശക്തമായ ഉപകരണമായി ജൈവകൃഷി ഉയര്‍ന്നുവന്നതായി ആന്ധ്രാപ്രദേശിലെ കൃഷിമന്ത്രി കക്കാനി ഗോവര്‍ദ്ധൻ റെഡ്ഡി പറഞ്ഞു.
പല്‍നാട് ജില്ലയിലെ അമരാവതി മണ്ഡലത്തില്‍ സ്ഥിതി ചെയ്യുന്ന അട്ടലൂര്‍ ഗ്രാമത്തില്‍ നടന്ന ജൈവകൃഷിയുടെ സമര്‍പ്പണ പരിപാടിയില്‍ അതിഥിയായി പങ്കെടുക്കവെയാണ് മന്ത്രി ഈ വികാരം പ്രകടിപ്പിച്ചത്.
പരിപാടിയില്‍ മന്ത്രി ഗോവര്‍ദ്ധൻ റെഡ്ഡി ദീര്‍ഘകാലമായി ജൈവകൃഷി ചെയ്യുന്ന പരിചയസമ്ബന്നരായ കര്‍ഷകരുമായി ചര്‍ച്ചയില്‍ ഏര്‍പ്പെട്ടു. അദ്ദേഹത്തിന്റെ സന്ദര്‍ശനത്തില്‍ ജൈവരീതികള്‍ ഉപയോഗിച്ച്‌ കൃഷി ചെയ്തിരുന്ന പപ്പായ വയലിന്റെ പരിശോധനയും കര്‍ഷകരുമായി സംവദിച്ച്‌ അവരുടെ കൃഷിരീതികളെക്കുറിച്ചുള്ള ഉള്‍ക്കാഴ്ചയും ഉണ്ടായിരുന്നു. എട്ട് വര്‍ഷത്തിനിടെ നാനൂറോളം കര്‍ഷകരെ ജൈവകൃഷിയിലേക്ക് മാറ്റാൻ സഹായിച്ച ഗ്രാമത്തിലെ ജൈവവള നിര്‍മാണ യൂണിറ്റുകളെക്കുറിച്ചും മന്ത്രി ചോദിച്ചറിഞ്ഞു.
