ന്യൂഡൽഹി: രാജ്യത്ത് 24 മണിക്കൂറിനിടെ 48,513 പേര്‍ക്ക് കോവിഡ് സ്ഥിരീകരിച്ചു. 768 പേര് മരിക്കുകയും ചെയ്തു. ഇതോടെ രാജ്യത്തെ കോവിഡ് രോഗികളുടെ എണ്ണം 15,31,669 ആയി. മരണ സംഖ്യ 34,193 ആയി ഉയര്‍ന്നു. നിലവില്‍ 5,09,447 പേര് ചികിത്സയിലുണ്ട്. 9,88,029 പേര് രോഗമുക്തരായി. 64.24 ശതമാനമാണ് രാജ്യത്തെ രോഗമുക്തി നിരക്ക്.
അതേസമയം, മധ്യപ്രദേശില്‍ ഒരു മന്ത്രിക്കു കൂടി കോവിഡ് സ്ഥിരീകരിച്ചു. ജലവിഭവ മന്ത്രി തുള്‍സി സില്‍വാത്തിനാണ് രോഗം ബാധിച്ചത്. അദ്ദേഹത്തിന്‍റെ ഭാര്യക്കും രോഗം സ്ഥിരീകരിച്ചിട്ടുണ്ട്.നേരത്തെ മധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാന് കോവിഡ് സ്ഥിരീകരിച്ചിരുന്നു.
