ജൂണ്‍ 28 ന് ബെംഗളൂരുവില്‍ ആരംഭിക്കുന്ന ദുലീപ് ട്രോഫിയില്‍ സൗത്ത് സോണ്‍ ടീമിന്റെ ക്യാപ്റ്റനായി ഹനുമ വിഹാരി മത്സര ക്രിക്കറ്റിലേക്ക് മടങ്ങും.
ആന്ധ്രാപ്രദേശിന്റെ രഞ്ജി ട്രോഫി 2022-23 ക്വാര്‍ട്ടര്‍ ഫൈനലില്‍ മധ്യപ്രദേശിനോട് ഇൻഡോറില്‍ തോറ്റതിന് ശേഷം പേസര്‍ ആവേശ് ഖാനെതിരെ ബാറ്റിംഗിനിടെ കൈത്തണ്ടയ്ക്ക് ഒടിവ് സംഭവിച്ചതിന് ശേഷം വിഹാരി പുറത്തായിരുന്നു.
ജൂണ്‍ 13 ചൊവ്വാഴ്ച ഗോവയില്‍ നടന്ന യോഗത്തിലാണ് സൗത്ത് സോണ്‍ അസോസിയേഷനുകള്‍ 15 അംഗ ടീമിനെ തിരഞ്ഞെടുത്തത്. അടുത്തിടെ ലണ്ടനില്‍ ഓസ്‌ട്രേലിയയ്‌ക്കെതിരെ നടന്ന ലോക ടെസ്റ്റ് ചാമ്ബ്യൻഷിപ്പ് ഫൈനലില്‍ മത്സരിച്ച ഇന്ത്യൻ വിക്കറ്റ് കീപ്പര്‍-ബാറ്ററായ കെഎസ് ഭരത്, ആന്ധ്രാ ടീമംഗം റിക്കി ഭുയിക്കൊപ്പം വിക്കറ്റ് കീപ്പറായി സൗത്ത് സോണ്‍ ടീമില്‍ ഇടം നേടി. തമിഴ്നാട്ടില്‍ നിന്ന് വാഷിംഗ്ടണ്‍ സുന്ദര്‍, സായ് സുദര്‍ശൻ, പ്രദോഷ് രഞ്ജൻ പോള്‍, സായ് കിഷോര്‍ എന്നിവരെ തിരഞ്ഞെടുത്തു.
2023 ദുലീപ് ട്രോഫിക്കുള്ള സൗത്ത് സോണ്‍ ടീം: ഹനുമ വിഹാരി, മായങ്ക് അഗര്‍വാള്‍ , കെ എസ് ഭരത് , റിക്കി ഭുയി, സായ് സുദര്‍ശൻ, വാഷിംഗ്ടണ്‍ സുന്ദര്‍, ആര്‍ സമര്‍ത്, തിലക് വര്‍മ്മ, സച്ചിൻ ബേബി, സായ് കിഷോര്‍, വി കവേരപ്പ, വൈശാഖ് വിജയകുമാര്‍, പ്രദോഷ് രഞ്ജൻ പോള്‍, കെ വി ശശികാന്ത്, ദര്‍ശൻ മിസല്‍.
