കർണ്ണന് ശേഷം മാറി സെൽവരാജ് സംവിധാനം ചെയ്യുന്ന ചിത്രമാണ് ‘മാമന്നൻ’. ഉദയനിധി സ്റ്റാലിൻ നായകനായെത്തുന്ന ചിത്രത്തിൽ ഫഹദ് ഫാസിലും തമിഴ് ഹാസ്യസാമ്രാട്ട് വടിവേലുവും പ്രധാനപ്പെട്ട കഥാപാത്രങ്ങളെ അവതരിപ്പിക്കുന്നു. മലയാളത്തിലെ പോലെ തന്നെ അന്യ ഭാഷകളിലെ ഫഹദിന്റെ മികച്ച പ്രകടനം വീണ്ടും കാണാൻ ആരാധകരും ഏറെ പ്രതീക്ഷയിലാണ്.
സ്ഥിരം കോമഡി കഥാപാത്രങ്ങളിൽ നിന്ന് മാറി ക്യാരക്ടർ റോളിൽ എത്തുന്നു എന്നുള്ളതും പ്രേക്ഷക പ്രതീക്ഷ വർദ്ധിപ്പിക്കുന്നുണ്ട്. ‘മാമന്നനറെ’ റിലീസിനെ കുറിച്ചുള്ള വാര്‍ത്തയാണ് ഇപ്പോള്‍ പുറത്ത് വന്നിരിക്കുന്നത്. കഴിഞ്ഞ ദിവസം ചിത്രത്തിന്റെ ഓഡിയോ ലോഞ്ച് നടന്നിരുന്നു.
‘മാമന്നന്‍’ ജൂണ്‍ 29ന് പ്രദര്‍ശനത്തിനെത്തിക്കാന്‍ ശ്രമിക്കുകയാണ് എന്നാണ് ഉദയനിധി സ്റ്റാലിന്‍ വ്യക്തമാക്കിയിരിക്കുന്നത്. ചിത്രത്തിന്റെ ഡബ്ബിംഗ് പുരോഗമിക്കുകയാണെന്നും അദ്ദേഹം വ്യക്തമാക്കി. കീര്‍ത്തി സുരേഷാണ് ചിത്രത്തിലെ നായിക.
ആര്‍ റഹ്‌മാനാണ് ചിത്രത്തിന്റെ സംഗീത സംവിധാനം നിര്‍വഹിക്കുന്നത്. ഉദയനിധി സ്റ്റാലിന്‍ തന്നെയാണ് ചിത്രം നിര്‍മിക്കുന്നത്. റെഡ് ജിയാന്റ് മൂവീസിന്റെ ബാനറിലാണ് ചിത്രം നിര്‍മിക്കുന്നത്. അടുത്തിടെ ഒട്ടേറെ ഹിറ്റ് തമിഴ് ചിത്രങ്ങള്‍ വിതരണത്തിന് എത്തിച്ചത് റെഡ് ജയാന്റ് മൂവീസാണ്.
