ഫ്രഞ്ച് ഓപ്പണ്‍ ടെന്നീസ് ; ഇഗ ഷ്വാടെക്,
അല്‍കാരെസ്‌ മുന്നോട്ട്‌.

പുരുഷന്മാരില്‍ ഒന്നാംനമ്ബര്‍ താരം കാര്‍ലോസ് അല്‍കാരെസ്, മൂന്നാംസീഡ് നൊവാക് ജൊകോവിച്ച്‌, നാലാംസീഡ് കാസ്പെര്‍ റൂഡ് എന്നിവരും മൂന്നാംറൗണ്ടിലെത്തി.

വനിതകളില്‍, ആദ്യ സെറ്റില്‍ അല്‍പ്പം പതറിയെങ്കിലും ഇഗ രണ്ടാംസെറ്റ് ആധികാരികമായി നേടി മുന്നേറി (6–-4, 6–-0). മൂന്നാംറൗണ്ടില്‍ ചൈനയുടെ ഷിന്യു വാങ് ആണ് എതിരാളി. നാലാംസീഡ് എലേന റിബാകിന ചെക്ക് റിപ്പബ്ലിക്കിന്റെ ലിൻഡ നൊസ്കോവയെ തോല്‍പ്പിച്ചു (6–-3, 6–-3).

അല്‍കാരെസ് ജപ്പാന്റെ താരോ ഡാനിയേലിനെ നാല് സെറ്റ് പോരാട്ടത്തില്‍ മറികടന്നു (6–-1, 3–-6, 6–-1, 6–-2). ക്യാനഡയുടെ ഡെനിസ് ഷപലോവാണ് മൂന്നാംറൗണ്ടിലെ എതിരാളി. ജൊകോവിച്ച്‌ ഹംഗറിയുടെ മാര്‍ട്ടണ്‍ ഫുക്സോവിക്സിനെ കീഴടക്കി (7–-6, 6–-0, 6–-3). മൂന്നാംറൗണ്ടില്‍ സ്പെയ്നിന്റെ അലെസാൻഡ്രോ ഡേവിഡോവിച്ച്‌ ഫോകിനയെ നേരിടും.