‘മാസ്റ്റർഷെഫും ക്രിക്കറ്റും’ ഇന്ത്യയും ഓസ്‌ട്രേലിയയും തമ്മിലുള്ള ബന്ധം ഒന്നിപ്പിക്കുന്നുവെന്ന് നരേന്ദ്ര മോദി. സിഡ്‌നിയിൽ ഇന്ത്യൻ സമൂഹത്തെ അഭിസംബോധന ചെയ്തു സംസാരിക്കുകയായിരുന്നു മോദി. ഇരു രാജ്യങ്ങളും തമ്മിലുള്ള ബന്ധത്തിൽ ഇന്ത്യൻ പ്രവാസികൾ നൽകിയ സംഭാവനകളെ അദ്ദേഹം അഭിനന്ദിച്ചു. പ്രധാനമന്ത്രി മോദിയുംയെയും ഓസ്‌ട്രേലിയൻ പ്രധാനമന്ത്രി ആന്റണി അൽബനീസനെയും കരഘോഷത്തോടെയാണ് ജനങ്ങൾ സ്വീകരിച്ചത്.
“നമ്മുടെ ജീവിതശൈലി വ്യത്യസ്തമായിരിക്കാം, എന്നാൽ ഇപ്പോൾ യോഗ നമ്മെ ബന്ധിപ്പിക്കുന്നു. ക്രിക്കറ്റ് കാരണം ഞങ്ങൾ വളരെക്കാലമായി ബന്ധപ്പെട്ടിരിക്കുന്നു. എന്നാൽ ഇപ്പോൾ ടെന്നീസും സിനിമകളും നമ്മളെ കൂടുതൽ അടുപ്പിക്കുന്നു. ഞങ്ങൾ വ്യത്യസ്ത രീതികളിൽ ഭക്ഷണം തയ്യാറാക്കുന്നവരായിരിക്കും, പക്ഷേ മാസ്റ്റർഷെഫ് ഇപ്പോൾ നമ്മളെ ബന്ധിപ്പിക്കുന്നു.” – മോദി പറഞ്ഞു.
ഇന്ത്യയുടെയും ഓസ്‌ട്രേലിയയുടെയും നയതന്ത്രബന്ധം കൊണ്ട് മാത്രം പരസ്പര വിശ്വാസവും പരസ്പര ബഹുമാനവും വികസിച്ചിട്ടില്ലെന്നും അതിന്റെ യഥാർത്ഥ കാരണം ഓസ്‌ട്രേലിയയിൽ താമസിക്കുന്ന ഇന്ത്യക്കാരാണെന്നും അദ്ദേഹം പറഞ്ഞു.
