അഹ്മദാബാദ്: വനിത പ്രീമിയര്‍ ലീഗ് ഫുട്ബാളിലെ സെമിഫൈനല്‍ മത്സരങ്ങള്‍ വെള്ളിയാഴ്ച നടക്കും. നിലവിലെ ചാമ്ബ്യന്മാരായ ഗോകുലം കേരള എഫ്.സിയെ ഈസ്റ്റേണ്‍ സ്പോര്‍ടിങ് യൂനിയനും കിക്ക് സ്റ്റാര്‍ട്ടിനെ സേതു എഫ്.സിയും നേരിടും.
ഗ്രൂപ് ജേതാക്കളായെത്തിയ ഗോകുലം ക്വാര്‍ട്ടര്‍ ഫൈനലില്‍ ഒഡിഷ എഫ്.സിയെ പെനാല്‍റ്റി ഷൂട്ടൗട്ടിലാണ് തോല്‍പിച്ചത്.
കിക്ക് സ്റ്റാര്‍ട്ട് 2-1ന് ഹോപ്സിനെയും ഈസ്റ്റേണ്‍ ഷൂട്ടൗട്ടില്‍ സ്പോര്‍ട്സ് ഒഡി‍ഷയെയും സേതു 9-0ത്തിന് ഈസ്റ്റ് ബംഗാളിനെയും ക്വാര്‍ട്ടറില്‍ വീഴ്ത്തി. ഞാ‍യറാഴ്ചയാണ് ഫൈനല്‍. 26 ഗോളുമായി ബഹുദൂരം മുന്നിലുള്ള ഗോകുലത്തിന്റെ സബിത്ര ബണ്ഡാരി ടൂര്‍ണമെന്റില്‍ ടോപ് സ്കോററാവുമെന്ന് ഉറപ്പായിട്ടുണ്ട്.
