ബേസിൽ ജോസഫ് (Basil Joseph) കേന്ദ്രകഥാപാത്രത്തെ അവതരിപ്പിക്കുന്ന പുതിയ ചിത്രമായ മരണമാസിന്റെ പുതിയ പോസ്റ്റർ പുറത്തുവന്നു. നവാഗതനായ ശിവപ്രസാദ് സംവിധാനം ചെയ്യുന്ന ചിത്രത്തിൻ്റെ ഫസ്റ്റ് ലുക്ക് പോസ്റ്റർ നേരത്തേ റിലീസ് ചെതിരുന്നു. ബേസിലിൻ്റെ പുതിയ രൂപവും ഭാവവും നൽകിയായിരുന്നു ഈ പോസ്റ്റർ ശ്രദ്ധയാകർഷിച്ചത്. ഇപ്പോഴിതാ ബേസിലിനൊപ്പം സുരേഷ് കൃഷ്ണ, രാജേഷ് മാധവൻ, നായിക അനിഷ്മ അനിൽകുമാർ, യുവനിരയിലെ ശ്രദ്ധേയനായ സിജു സണ്ണി എന്നിവർ ഒന്നിച്ചുള്ള പോസ്റ്ററോടെയാണ് സെക്കന്റ് ലുക്ക് പ്രത്യക്ഷപ്പെട്ടിരിക്കുന്നത്.
എന്താണ് മരണമാസ്?
ചിത്രത്തിൻ്റെ അണിയറ പ്രവർത്തകർ ഇനിയും കൂടുതൽ വിവരം പുറത്തുവിട്ടില്ലെങ്കിലും ഡാർക്ക് ഹ്യൂമർ ജോണറിൽ അവതരിപ്പിക്കുന്ന ചിത്രമെന്ന് പറയാം. പ്രേക്ഷകരുടെ മുന്നിൽ പുതിയൊരു അനുഭവം നൽകിക്കൊണ്ടാണ് ചിത്രത്തിൻ്റെ അവതരണം. ബാബു ആൻ്റണി, പുലിയാനം പൗലോസ് എന്നിവരും പ്രധാന വേഷങ്ങളിലുണ്ട്.
ഇവർക്കൊപ്പം ഏതാനും പുതുമുഖങ്ങളും ചിത്രത്തിൽ പ്രധാന വേഷങ്ങളിലഭിനഭയിക്കുന്നു.
റാഫേൽ പ്രൊഡക്ഷൻസ്, ടൊവിനോ തോമസ് പ്രൊഡക്ഷൻസ്, വേൾഡ് വൈഡ് പ്രൊഡക്ഷൻസ് എന്നീ ബാനറുകളിൽ ടിങ്സ്റ്റൺ തോമസ്, ടൊവിനോ തോമസ്, റാഫേൽ പൊഴാലിപ്പറമ്പിൽ. തൻസീർ സലാം എന്നിവരാണ് ചിത്രം നിർമ്മിക്കുന്നത്. സിജു സണ്ണിയുടെ കഥക്ക് സിജു സണ്ണിയും, ശിവപ്രസാദും ചേർന്ന് തിരക്കഥ രചിച്ചിരിക്കുന്നു.
വരികൾ – മൊഹ്സിൻ പെരാരി, സംഗീതം – ജയ് ഉണ്ണിത്താൻ, ഛായാഗ്രഹണം – നീരജ് രവി, എഡിറ്റിംഗ് – ചമൻ ചാക്കോ, പ്രൊഡക്ഷൻ ഡിസൈനർ – മാനവ് സുരേഷ്, മേക്കപ്പ് – ആർ.ജി. വയനാടൻ, കോസ്റ്റ്യും ഡിസൈൻ- മഷർ ഹംസ, നിശ്ചല ഛായാഗ്രഹണം – ഹരികൃഷ്ണൻ, ചീഫ് അസ്സോസ്സിയേറ്റ് ഡയറക്ടേർസ് – ഉമേഷ് രാധാകൃഷ്ണൻ., ബിനു നാരായൺ, പ്രൊഡക്ഷൻ എക്സിക്കുട്ടീവ്സ്- രാജേഷ് മേനോൻ, അപ്പു; പ്രൊഡക്ഷൻ മാനേജർ – സുനിൽ മേനോൻ, പ്രൊഡക്ഷൻ കൺട്രോളർ-എൽദോ സെൽവരാജ്. കൊച്ചിയിലും പരിസരങ്ങളിലും ധനുഷ്ക്കോടിയിലുമായി ചിത്രീകരണം പൂർത്തിയായ ചിത്രം പ്രദർശനസജ്ജമായി വരുന്നു. പി.ആർ.ഒ.- വാഴൂർ ജോസ്.
