കാസർഗോഡ്: ചെങ്കളയിൽ വരനും വധുവും ഉൾപ്പെടെ വിവാഹത്തിൽ പങ്കെടുത്ത 51 പേർക്ക് കോവിഡ് സ്ഥിരീകരിച്ചു. ചെങ്കളം പഞ്ചായത്തിലെ നാലാം വാർഡായ പീലാംകട്ടയിലായിരുന്നു സംഭവം. ജൂലൈ 17 ന് ആയിരുന്നു വിവാഹം നടന്നത്.
കഴിഞ്ഞ ദിവസം വധുവിന്‍റെ പിതാവിനടക്കം എട്ട് പേർക്ക് കോവിഡ് സ്ഥിരീകരിച്ചിരുന്നു. ഇതോടെയാണ് വരനും വധുവിനും വിവാഹത്തിൽ പങ്കെടുത്ത മറ്റുള്ളവർക്കും ആന്‍റിജൻ പരിശോധന നടത്തിയത്. ഇന്ന് നടത്തിയ പരിശോധനയിൽ 43 പേർക്ക് കോവിഡ് സ്ഥിരീകരിച്ചു.
കോവിഡ് മാർഗനിർദേശങ്ങൾ ലംഘിച്ച് നിരവധി പേരെ പങ്കെടുപ്പിച്ചാണ് വിവാഹം നടത്തിയത്.വിവാഹം സംഘടിപ്പിച്ചവർക്കെതിരെ കേസെടുത്തിട്ടുണ്ട്.
