ഹജ്ജ് തീര്‍ത്ഥാടനത്തിന് പോകാന്‍ ആഗ്രഹിക്കുന്നവര്‍ക്ക് ഒരു സന്തോഷവാര്‍ത്ത. ഈ വര്‍ഷത്തെ ഹജ്ജ് തീര്‍ഥാടകരുടെ എണ്ണത്തില്‍ പരിധി നിശ്ചയിച്ചിട്ടില്ലെന്ന് സൗദി അറേബ്യ അറിയിച്ചു. എത്ര പേര്‍ക്കും പോകാം എന്നര്‍ത്ഥം. ഈ വര്‍ഷം ഹജ്ജില്‍ പങ്കെടുക്കുന്നവരുടെ എണ്ണം കോവിഡിന് മുമ്പുള്ള തലത്തിലേക്ക് മടങ്ങുമെന്ന് സൗദി ഹജ്ജ്, ഉംറ മന്ത്രി തൗഫീഖ് അല്‍ പറഞ്ഞു. ഈ വര്‍ഷം ഹജ് തീര്‍ഥാടകര്‍ക്ക് പ്രായപരിധിയില്ല. കോവിഡ് ബാധയെത്തുടര്‍ന്ന് സൗദി അറേബ്യ ഹജ്ജ് തീര്‍ത്ഥാടനത്തിനുള്ള യാത്രക്കാരുടെ എണ്ണം നേരത്തെ പരിമിതപ്പെടുത്തിയിരുന്നു. ഇതോടൊപ്പം പ്രായപരിധിയും നിശ്ചയിക്കുകയുണ്ടായി.
ഏത് നഗരത്തിലേക്കും യാത്ര ചെയ്യാം
ഉംറ വിസയുടെ കാലാവധി 30 ദിവസത്തില്‍ നിന്ന് 90 ദിവസമാക്കി ഉയര്‍ത്തിയതായി ഹജ്ജ്, ഉംറ മന്ത്രി തൗഖീഫ് അല്‍ റബീഅ പറഞ്ഞു. ഹജ്/ഉംറ വിസയില്‍ വരുന്നവര്‍ക്ക് രാജ്യത്തെ ഏത് നഗരത്തിലേക്കും യാത്ര ചെയ്യാം. 2023 മുതല്‍ ലോകമെമ്പാടുമുള്ള ഹജ്ജ് ഏജന്‍സികള്‍ക്ക് തങ്ങളുടെ രാജ്യത്ത് നിന്നുള്ള ഹജ് തീര്‍ഥാടകര്‍ക്ക് ആവശ്യമായ സൗകര്യങ്ങള്‍ ഒരുക്കുന്നതിന് പെര്‍മിറ്റ് കൈവശമുള്ള ഏത് കമ്പനിയുമായും കരാറില്‍ ഏര്‍പ്പെടാന്‍ അനുവദിക്കുമെന്ന് ഹജ് മന്ത്രി പറഞ്ഞു.
പ്രദേശവാസികള്‍ക്ക് ഹജ്ജ് പാക്കേജുകളുടെ നാല് വിഭാഗങ്ങള്‍
2019 ല്‍ ഏകദേശം 25 ദശലക്ഷം ആളുകള്‍ തീര്‍ത്ഥാടനത്തില്‍ പങ്കെടുത്തതായി അറബ് ന്യൂസ് റിപ്പോര്‍ട്ട് ചെയ്തു. എന്നാല്‍, കൊറോണ പകര്‍ച്ചവ്യാധിയുടെ വ്യാപനത്തെത്തുടര്‍ന്ന്, തൊട്ടടുത്തുള്ള രണ്ട് വര്‍ഷങ്ങളില്‍ തീര്‍ഥാടകരുടെ എണ്ണം കുറഞ്ഞു. ഈ വര്‍ഷം ഹജ്ജ് നിര്‍വഹിക്കാന്‍ ആഗ്രഹിക്കുന്ന രാജ്യത്ത് താമസിക്കുന്നവര്‍ക്ക് തീര്‍ഥാടനത്തിന് അപേക്ഷിക്കാമെന്നാണ് റിപ്പോര്‍ട്ട്. പ്രദേശവാസികള്‍ക്ക് നാല് വിഭാഗത്തിലുള്ള ഹജ് പാക്കേജുകള്‍ ലഭ്യമാകും. റിപ്പോര്‍ട്ട് അനുസരിച്ച്, തീര്‍ത്ഥാടനത്തിന് അപേക്ഷിക്കുന്ന ആളുകള്‍ക്ക് ജൂലൈ പകുതിയോടെ സാധുവായ ദേശീയ അല്ലെങ്കില്‍ താമസ തിരിച്ചറിയല്‍ ഉണ്ടായിരിക്കണം. തീര്‍ത്ഥാടകര്‍ക്ക് COVID-19, സീസണല്‍ ഇന്‍ഫ്‌ലുവന്‍സ വാക്‌സിനേഷന്‍ എന്നിവയുടെ തെളിവ് ഉണ്ടായിരിക്കണം. സാധാരണ ദിവസങ്ങളില്‍ ഇന്ത്യയില്‍ നിന്ന് ഹജ്ജ് കമ്മിറ്റി ഓഫ് ഇന്ത്യയും സ്വകാര്യ ടൂര്‍ ഓപ്പറേറ്റര്‍മാരും മുഖേന പ്രതിവര്‍ഷം രണ്ട് ലക്ഷത്തോളം പേര്‍ ഹജ് തീര്‍ഥാടനത്തിന് പോകുന്നുണ്ട് എന്നത് എടുത്തു പറയേണ്ട കാര്യമാണ്. ഇസ്ലാമിന്റെ അഞ്ച് കടമകളില്‍ ഒന്നാണ് ഹജ്ജ്. കല്‍മ, റോസ, നമസ്‌കാരം, സകാത്ത് എന്നിവയാണ് ബാക്കിയുള്ള നാല് കടമകള്‍.
