കോട്ടയം:കോട്ടയം ജില്ലയില്‍ ഇന്ന് 46 പേർക്ക് കോവിഡ് പോസിറ്റീവ് രേഖപ്പെടുത്തി. ജില്ലയിൽ ഇരുപത്തിനാല് മണിക്കൂറിനിടെ സമ്പര്‍ക്കം മൂലം 36 പേര്‍ക്കു കൂടി ഇന്ന് കോവിഡ് 19 സ്ഥിരീകരിച്ചു.
സമ്പര്‍ക്കം മൂലം രോഗം ബാധിച്ചവരില്‍ 20 പേര്‍ ചങ്ങനാശേരി മേഖലയിലാണ്. ചങ്ങനാശേരി മാര്‍ക്കറ്റില്‍ ആരോഗ്യവകുപ്പ് നടത്തിയ ആന്‍റിജന്‍ പരിശോധനയിലാണ് ഇവര്‍ക്ക് രോഗം സ്ഥീരീകരിച്ചത്. ഇതോടെ ചങ്ങനാശേരി മാര്‍ക്കറ്റുമായി ബന്ധപ്പെട്ട് രോഗം സ്ഥിരീകരിച്ചവരുടെ എണ്ണം 24 ആയി.
