ചെന്നൈ: തമിഴ് സൂപ്പര്‍ താരം വിശാലിന് ഷൂട്ടിംഗിനിടെ പരിക്കേറ്റു. മാര്‍ക്ക് ആന്റണി എന്ന ചിത്രത്തിന്റെ ഷൂട്ടിനിടെയാണ് പരിക്കേറ്റത്. ആക്ഷന്‍ രംഗത്തിന്റെ ചിത്രീകരണത്തിനിടെ കാല്‍മുട്ടിന് പരിക്കേല്‍ക്കുകയായിരുന്നു. കൂടുതല്‍ വിശദാംശങ്ങള്‍ ഇതുവരെ അറിവായിട്ടില്ല. എന്നാല്‍ അദ്ദേഹത്തിന്റെ ആരാധകര്‍ അദ്ദേഹം വേഗത്തില്‍ സുഖം പ്രാപിക്കട്ടെയെന്ന് ആശംസിക്കുന്നു.
ഇതിന് മുമ്പ് മറ്റൊരു ചിത്രത്തിന്റെ ഷൂട്ടിനിടെ വിശാലിന് പരിക്കേറ്റിരുന്നു. തങ്ങളുടെ പ്രിയപ്പെട്ട താരത്തിന് പരിക്കേറ്റതിനെ തുടര്‍ന്ന് ആരാധകര്‍ നിരാശയിലാണ്. താരം സുഖം പ്രാപിച്ച് എത്രയും പെട്ടെന്ന് ഷൂട്ടിംഗ് ലൊക്കേഷനില്‍ എത്തുമെന്നാണ് ആരാധകര്‍ പ്രതീക്ഷിക്കുന്നത്. കുറച്ച് മാസങ്ങള്‍ക്ക് മുമ്പ്, ലാത്തിയുടെ ക്ലൈമാക്‌സ് ഭാഗത്തിനായി ആക്ഷന്‍ സീക്വന്‍സുകളുടെ ചിത്രീകരണത്തിനിടെ വിശാലിന് പരിക്കേറ്റിരുന്നു.
പരിക്ക് ഭേദമാകാന്‍ കേരളത്തിലെ പെരിങ്ങോടുള്ള ഒരു ആയുര്‍വേദ ചികിത്സാ കേന്ദ്രത്തില്‍ ഏതാനും ആഴ്ചകള്‍ ചികിത്സ നടത്തിയിരുന്നു.വിശാല്‍ നായകനായ മാര്‍ക്ക് ആന്റണി ഒരു ബിഗ് ബജറ്റ് പാന്‍ ഇന്ത്യ പ്രൊജക്റ്റ് ആണെന്ന് പറയപ്പെടുന്നു. ഒരു പ്രധാന കഥാപാത്രത്തെ അവതരിപ്പിക്കാന്‍ എസ് ജെ സൂര്യയെ തീരുമാനിച്ചതായും റിപ്പോര്‍ട്ടുണ്ട്.
