തിരുവനന്തപുരം: വടകര എം എല്‍ എ കെ കെ രമയെ അധിക്ഷേപിച്ച് എം എം മണി നടത്തിയ അധിക്ഷേപ പരാമര്‍ശത്തില്‍ നിയമസഭയില്‍ പ്രതിഷേധവുമായി പ്രതിപക്ഷം. സ്പീക്കറുടെ ഡയസിന് മുന്നില്‍ മുദ്രാവാക്യം വിളിച്ച് പ്രതിപക്ഷം പ്രതിഷേധിക്കുകയാണ്. പ്രതിപക്ഷ ബഹളത്തിനിടെയില്‍ ചോദ്യോത്തര വേള പുരോഗമിക്കുകയാണ്. എം എം മണി പ്രസ്താവന പിന്‍വലിക്കണമെന്ന് പ്രതിപക്ഷ നേതാവ് വി ഡി സതീശന്‍ പറഞ്ഞു. എം എം മണി മാപ്പ് പറയണമെന്നാണ് പ്രതിപക്ഷം ആവശ്യപ്പെടുന്നത്.
