തിരുവനന്തപുരം: താന്‍ ഉന്നയിച്ച പരാതികളില്‍ കേന്ദ്ര നേതൃത്വത്തിന്റെ തീരുമാനം വരുന്നത് വരെ കാത്തിരിക്കുമെന്ന നിലപാടില്‍ ബിജെപി കേന്ദ്ര നിര്‍വാഹക സമിതി അംഗവും സംസ്ഥാന ഉപാധ്യക്ഷയുമായ ശോഭ സുരേന്ദ്രന്‍. എല്ലാ പരാതികളും കേന്ദ്രനേതൃത്വം പരിഹരിക്കുമെന്നാണു പ്രതീക്ഷയെന്ന് അവര്‍ പറഞ്ഞു.
ഇതിനിടെ, താന്‍ സിപിഎമ്മില്‍ ചേരുമെന്നും അതുമായി ബന്ധപ്പെട്ട് സിപിഎം നേതൃത്വവുമായി ചര്‍ച്ചകള്‍ നടത്തിയെമുള്ള തരത്തില്‍ പ്രചരിക്കുന്ന വാര്‍ത്തകള്‍ ശോഭാ സുരേന്ദ്രന്‍ തള്ളിയിട്ടുണ്ട്. കോണ്‍ഗ്രസില്‍ പോകുമെന്നും അഭ്യൂഹമുണ്ടായി. തല്‍ക്കാലം കാത്തിരിക്കാനാണു മുതിര്‍ന്ന നേതാക്കള്‍ ശോഭയ്ക്കു നല്‍കിയ ഉപദേശം.ഇതിനു തുടര്‍ച്ചയായി, ശോഭയുടെ പരാതികള്‍ പാര്‍ട്ടി ചര്‍ച്ച ചെയ്യുമെന്നു സംസ്ഥാന ഉപാധ്യക്ഷന്‍ എ.എന്‍.രാധാകൃഷ്ണന്‍ പറഞ്ഞു.
