വാര്ദ്ധക്യകാല രോഗമായാണ് കാന്സര് കണക്കാക്കപ്പെട്ടിരുന്നെങ്കിലും, ഇക്കാലത്ത് 30 നും 40 നും ഇടയില് പ്രായമുള്ളവരില് കാന്സര് കേസുകള് അതിവേഗം വര്ദ്ധിച്ചുവരികയാണെന്ന് ഡോക്ടര്മാര് പറയുന്നു. യുവതലമുറ മുമ്പത്തേക്കാള് വേഗത്തില് ജൈവശാസ്ത്രപരമായി വാര്ദ്ധക്യം പ്രാപിക്കുന്നുവെന്നാണ്. കൂടാതെ ഈ മാറ്റം ചെറുപ്രായത്തില് തന്നെ കാന്സര് വരാനുള്ള സാധ്യത വര്ദ്ധിപ്പിക്കുമെന്നും പഠനത്തില് പറയുന്നു.
അപകടം വര്ദ്ധിക്കാന് തുടങ്ങുന്നത് എപ്പോള്
പുതിയ പഠനവുമായി ബന്ധപ്പെട്ട് കാര്ഡിയോളജിസ്റ്റ് ഡോ. അഫ്ഷിന് ഇമ്രാനി സോഷ്യല് മീഡിയ പ്ലാറ്റ്ഫോമായ എക്സില് പങ്കുവച്ച കുറിപ്പില് യഥാര്ത്ഥ പ്രായവും നിങ്ങളുടെ ജൈവിക പ്രായവും തമ്മിലുള്ള വ്യത്യാസം കൂടുന്തോറും രോഗസാധ്യതയും വര്ദ്ധിക്കുമെന്ന് പറയുന്നു. യുകെയിലെ, യുകെ ബയോബാങ്കില് നിന്നുള്ള 154,000-ത്തിലധികം ആളുകളുടെ രക്തസാമ്പിളുകളും യുഎസിലെ ‘ഓള് ഓഫ് അസ്’ ഗവേഷണ പരിപാടിയില് നിന്നുള്ള 10,000-ത്തിലധികം ആളുകളുടെ ആരോഗ്യ ഡാറ്റയും ഗവേഷണത്തില് ഉള്പ്പെടുത്തിയിരുന്നു. 1950-കളില് ജനിച്ചവരെയും 1965-നും 1974-നും 1990-നും ഇടയില് ജനിച്ചവരെയും ഉള്പ്പെടുത്തിയാണ് പഠനം നടത്തിയത്. പുതിയ തലമുറയില് ജൈവിക വാര്ദ്ധക്യത്തിന്റെ നിരക്ക് മുമ്പത്തേക്കാള് വളരെ വേഗത്തിലാണെന്ന് ഗവേഷണം കണ്ടെത്തി.
സംശയംവേണ്ട ഇവ കഴിച്ചാല് വൃക്കകള് തകരാറിലാകും; വൃക്കയെ തകരാറിലാക്കുന്ന ഭക്ഷണങ്ങള്
ജൈവശാസ്ത്രപരമായ പ്രായവും യഥാര്ത്ഥ പ്രായവും തമ്മിലുള്ള വ്യത്യാസത്തിന്റെ അപകടം
ഗവേഷണ പ്രകാരം, ജൈവിക പ്രായവും യഥാര്ത്ഥ പ്രായവും തമ്മിലുള്ള വ്യത്യാസം കൂടുന്തോറും കാന്സറിനുള്ള സാധ്യതയും വര്ധിക്കുന്നു. രോഗപ്രതിരോധ സംവിധാനങ്ങള് യഥാര്ത്ഥ പ്രായത്തില് ഉണ്ടാവേണ്ടതിനേക്കാള് ദുര്ബലമായി കാണപ്പെടുന്ന ആളുകള്ക്ക് ചെറുപ്പത്തില് തന്നെ ശ്വാസകോശ അര്ബുദ സാധ്യത കൂടുതലാണെന്നും പഠനം കണ്ടെത്തി. കൊഴുപ്പ് കലകള് വേഗത്തില് വാര്ദ്ധക്യം പ്രാപിക്കുന്നവര്ക്ക് വന്കുടല് കാന്സറിനുള്ള സാധ്യത കൂടുതലാണ്.
ജൈവിക വാര്ധക്യം സംഭവിക്കുന്നത് എങ്ങനെ
പ്രായമാകുമ്പോള് ശരീരത്തിലെ കോശങ്ങള്ക്ക് സംഭവിക്കുന്ന ഡിഎന്എ കേടുപാടുകള് ഒരു സാധാരണ പ്രക്രിയയാണ്. എന്നാല് ചെറുപ്രായത്തില്ത്തന്നെ ഈ കേടുപാടുകള് സംഭവിച്ചാല് അത് അകാല വാര്ദ്ധക്യത്തിലേക്ക് നയിച്ചേക്കാം. മോശം ഭക്ഷണക്രമം, പൊണ്ണത്തടി, പുകവലി, മലിനീകരണം, ശാരീരിക പ്രവര്ത്തനങ്ങളുടെ അഭാവം, ഉറക്കക്കുറവ് എന്നിവയുള്പ്പെടെ നിരവധി ഘടകങ്ങള് ഇതിന് കാരണമാകാം.
ശ്രദ്ധിക്കുക;വായിലെ കാൻസറിന്റെ 6 മുന്നറിയിപ്പ് ലക്ഷണങ്ങൾ ഇവയാണ്;പുകവലിക്കുന്നവർക്ക് മാത്രമല്ല ഓറൽകാൻസർ വരുന്നത
ജൈവിക വാര്ധക്യം മന്ദഗതിയിലാക്കാന് കഴിയുമോ?.
ജൈവിക വാര്ദ്ധക്യം മന്ദഗതിയിലാക്കാന് കഴിയുമെന്നതാണ് ആശ്വാസകരമായ കാര്യം. പതിവ് വ്യായാമം, സമീകൃതാഹാരം, ആരോഗ്യകരമായ ഭാരം നിലനിര്ത്തല്, പുകവലി ഒഴിവാക്കല്, മതിയായ ഉറക്കം എന്നിവയൊക്കെ ഇതിനായി വിദഗ്ധര് പറയുന്നു. ഉയര്ന്ന അപകടസാധ്യതയുള്ള വ്യക്തികളെ ചെറുപ്രായത്തില് തന്നെ തിരിച്ചറിഞ്ഞാല്, നേരത്തെയുള്ള പരിശോധനയും പ്രതിരോധവും കാന്സറിനുള്ള സാധ്യത കുറയ്ക്കുമെന്ന് ഗവേഷകര് വിശ്വസിക്കുന്നു.
