തിരുവനന്തപുരം: പ്രശസ്ത മനശാസ്ത്രജ്ഞന്‍ ഡോക്ടര്‍ പിഎം മാത്യു വെല്ലൂര്‍ അന്തരിച്ചു. 87 വയസ്സായിരുന്നു. തിരുവനന്തപുരം കവടിയാറിലെ വസതിയിലായിരുന്നു അന്ത്യം.
വാര്‍ദ്ധക്യ സഹജമായ അസുഖങ്ങളെത്തുടര്‍ന്ന് ദീര്‍ഘകാലമായി വിശ്രമത്തിലായിരുന്നു. സംസ്ക്കാരം ചൊവ്വാഴ്ച ഉച്ചകഴിഞ്ഞ് രണ്ടിന് മാവേലിക്കരയിലെ കരിപ്പുഴ സെന്റ് ജോര്‍ജ് ഓര്‍ത്തഡോക്‌സ് പള്ളിയില്‍ നടക്കും.
മലയാള ദൃശ്യമാധ്യമങ്ങളുടെ ആദ്യകാലത്ത് സംപ്രേക്ഷണം ചെയ്തിരുന്ന മനഃശാസ്ത്ര പരിപാടികളുടെ ശ്രദ്ധേയനാണ് ഡോക്ടര്‍ മാത്യു വെല്ലൂര്‍. അധ്യാപകന്‍, ഗ്രന്ഥകാരന്‍, ഗവേഷകന്‍ തുടങ്ങിയ മേഖലകളിലും ശ്രദ്ധേയനായിരുന്നു. വെല്ലൂര്‍ സിഎംസി കോളേജില്‍ അധ്യാപകനായിരുന്നു.
