സോവറിൻ ഗോൾഡ് ബോണ്ട്

സോവറിൻ ഗോൾഡ് ബോണ്ടുകൾ ഭൗതിക സ്വർണ്ണത്തിന് പകരമായി, ഡിജിറ്റൽ സ്വർണ്ണ നിക്ഷേപം പ്രോത്സാഹിപ്പിക്കുന്നതിനായി കേന്ദ്ര സർക്കാർ റിസർവ് ബാങ്ക് ഓഫ് ഇന്ത്യ വഴി പുറത്തിറക്കുന്ന പദ്ധതിയാണ് സോവറിൻ ഗോൾഡ് ബോണ്ട് (SGB) സ്കീം. സോവറിൻ ഗോൾഡ് ബോണ്ട് എന്നത് സ്വർണ്ണത്തിൽ മൂല്യം നിർണ്ണയിക്കപ്പെട്ട സർക്കാർ സെക്യൂരിറ്റികളാണ്. ഇത് യഥാർത്ഥ സ്വർണ്ണത്തിന് പകരമായി നിലകൊള്ളുന്നു. ഒരു ഗ്രാം സ്വർണത്തിന്റെ ഗുണിതങ്ങളായി അവ ഇഷ്യൂ ചെയ്യുന്നു. നിക്ഷേപകർ ഇഷ്യൂ വിലക്ക് അനുസരിച്ച് പണം നൽകി വാങ്ങുന്ന ബോണ്ടുകൾ, കാലാവധി പൂർത്തിയാകുമ്പോൾ പണമായി റിഡീം ചെയ്യും.

ഭൗതിക സ്വർണ്ണത്തിന് പകരമായി, റിസർവ് ബാങ്ക് (RBI) കേന്ദ്ര സർക്കാരിന് വേണ്ടി പുറത്തിറക്കുന്ന സുരക്ഷിതമായ ഡിജിറ്റൽ നിക്ഷേപ പദ്ധതിയാണ് സോവറിൻ ഗോൾഡ് ബോണ്ട്  (SGB). ഗ്രാമിന് 50 രൂപ കിഴിവോടെ ലഭിക്കുന്ന ഈ ബോണ്ടുകളിൽ 2.5% വാർഷിക പലിശ ലഭിക്കും. 8 വർഷമാണ് കാലാവധി, എങ്കിലും 5 വർഷത്തിന് ശേഷം വിൽക്കാം. ഇതിൽ നിക്ഷേപം സുരക്ഷിതമാണ്.

സോവറിൻ ഗോൾഡ് ബോണ്ട് പ്രധാന വിവരങ്ങൾ:

• നിക്ഷേപ പരിധി:ഒരാൾക്ക് പ്രതിവർഷം കുറഞ്ഞത് 1 ഗ്രാം മുതൽ പരമാവധി 4 കിലോഗ്രാം വരെ സ്വർണം വാങ്ങാം.
• ലാഭം:സ്വർണ്ണ വിലയിലെ വർദ്ധനവിന് പുറമെ വർഷത്തിൽ5% പലിശയും ലഭിക്കും.
• നികുതി ഇളവ്:കാലാവധി പൂർത്തിയാകുമ്പോൾ (8 വർഷം) ലഭിക്കുന്ന തുകയ്ക്ക് ദീർഘകാല മൂലധന നേട്ട നികുതി (Capital Gains Tax) ബാധകമല്ല.
• വാങ്ങേണ്ട സ്ഥലം:സ്റ്റേറ്റ് ബാങ്ക് ഓഫ് ഇന്ത്യ (SBI), മറ്റ് ബാങ്കുകൾ, ഓഹരി വിപണി (Stock Exchange), പോസ്റ്റ് ഓഫീസുകൾ വഴി വാങ്ങാം.
• വായ്പ സൗകര്യം:ബോണ്ടുകൾ ഈടായി ബാങ്കുകളിൽ നിന്ന് സ്വർണ്ണ വായ്പ ലഭിക്കും.

2024 ഫെബ്രുവരിയിൽ സർക്കാർ പുതിയ ഇഷ്യൂകൾ നിർത്തലാക്കിയെങ്കിലും, ഓഹരി വിപണി (Secondary Market) വഴി നിലവിൽ ലഭ്യമായ ബോണ്ടുകൾ വാങ്ങാം.

ഒരു സാധാരണ ഓഹരി വാങ്ങുന്നതുപോലെ Zerodha, Groww അല്ലെങ്കിൽ Upstox പോലുള്ള ഏതൊരു ട്രേഡിംഗ് ആപ്പിലൂടെയും നിക്ഷേപകർക്ക് സെക്കൻഡറി മാർക്കറ്റിൽ നിന്ന് സോവറിൻ ഗോൾഡ് ബോണ്ടുകൾ വാങ്ങാം. അവർ സെർച്ച് ബാറിൽ പോയി ആപ്പിൽ “SGB” എന്ന് ടൈപ്പ് ചെയ്യണം, പരമ്പരയുടെ പേരും കാലാവധി പൂർത്തിയാകുന്ന വർഷവും പരിശോധിക്കുക, ചില പരമ്പരകൾക്ക് വളരെ കുറഞ്ഞ ലിക്വിഡിറ്റി ഉള്ളതിനാൽ മാർക്കറ്റ് വിലയും ട്രേഡിംഗ് വോളിയവും നോക്കണം. ബിഡ്-ആസ്ക് സ്പ്രെഡ് കാരണം വിലകളിൽ വലിയ വ്യത്യാസമുണ്ടാകാമെന്നതിനാൽ ഒരു ലിമിറ്റ് ഓർഡർ നൽകുന്നതാണ് സുരക്ഷിതം. യൂണിറ്റുകൾ നിങ്ങളുടെ ഡീമാറ്റ് അക്കൗണ്ടിലേക്ക് ക്രെഡിറ്റ് ചെയ്തുകഴിഞ്ഞാൽ 2.5% വാർഷിക പലിശ നേരിട്ട് നിങ്ങളുടെ ബാങ്ക് അക്കൗണ്ടിൽ ലഭിക്കും. കാലാവധി പൂർത്തിയാകുന്നതുവരെ നിങ്ങൾ ബോണ്ട് കൈവശം വച്ചാൽ, സെക്കൻഡറി മാർക്കറ്റിൽ നിന്ന് വാങ്ങിയാലും മൂലധന നേട്ടം പൂർണ്ണമായും നികുതി രഹിതമായി തുടരും.

നികുതി നേട്ടങ്ങൾക്ക് പുറമെ ജ്വല്ലറി രൂപത്തിലുള്ള സ്വർണത്തിന്റെ കാര്യത്തിൽ വാങ്ങുമ്പോഴോ വിൽക്കുമ്പോഴോ നൽകേണ്ട ജിഎസ്ടിയോ പണിക്കൂലിയോ നൽകേണ്ടതില്ല എന്നതാണ് സോവറിൻ ഗോൾഡ് ബോണ്ടുകളുടെ മറ്റൊരു പ്രധാന നേട്ടം. അതോടൊപ്പം സോവറിൻ ഗോൾഡ് ബോണ്ടുകൾ വായ്പ എടുക്കുന്നതിന് ഈടായി ഉപയോഗിക്കാൻ സാധിക്കും. ബോണ്ടുകൾ എപ്പോൾ വേണമെങ്കിലും എൻ.എസ്.ഇ, ബി.എസ്.ഇ വഴി വാങ്ങാം. ഓൺലൈനായി വാങ്ങുമ്പോൾ, 50 രൂപയുടെ കിഴിവും ലഭിക്കും.

N B: നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിച്ച് നിക്ഷേപ തീരുമാനങ്ങൾ എടുക്കുക.