ന്യൂഡല്‍ഹി: കൊവിഡ് സാഹചര്യത്തില്‍ എം.പിമാരുടെ പ്രാദേശികവികസന ഫണ്ട് രണ്ടുവര്‍ഷത്തേക്ക് മരവിപ്പിച്ചതില്‍ രാജ്യസഭയില്‍ പ്രതിപക്ഷ പ്രതിഷേധം. നടപടി പുനഃപരിശോധിക്കണമെന്ന് സര്‍ക്കാരിനോട് പ്രതിപക്ഷ നേതാവ് ഗുലാംനബി അടക്കമുള്ളവര്‍ ആവശ്യപ്പെട്ടു. എം.പിമാരുടെയും മന്ത്രിമാരുടെയും ശമ്ബളം വെട്ടികുറച്ചുള്ള ബില്ലുകളുടെ ചര്‍ച്ചയിലാണ് പ്രതിപക്ഷം വിഷയം ഉന്നയിച്ചത്. നടപടി പുനഃപരിശോധിക്കണമെന്ന് ചര്‍ച്ചയില്‍ സി.പി.എം അംഗം കെ. സോമപ്രസാദ് ആവശ്യപ്പെട്ടു. രണ്ടുവര്‍ഷത്തേക്ക് ഫണ്ട് മരവിപ്പിച്ചത് തെറ്റായ നടപടിയാണെന്നും കൊവിഡ് കാലത്ത് പ്രയോജനപ്പെടും വിധം പുനഃക്രമീകരിക്കാമായിരുന്നെന്നും അദ്ദേഹം ചൂണ്ടിക്കാട്ടി.
