കരിപ്പൂരിലേക്കുള്ള എയർ ഇന്ത്യ എക്സ്പ്രസ് വിമാനത്തിന് നെടുമ്പാശേരിയിൽ അടിയന്തര ലാൻഡിങ്; 160 യാത്രക്കാർ സുരക്ഷിതർ; ദുരന്തം വഴിമാറി
കൊച്ചി: ജിദ്ദയിൽ നിന്ന് കരിപ്പൂരിലേക്കു പോയ 160 യാത്രക്കാരുമായി എത്തിയ എയർ ഇന്ത്യ എക്സ്പ്രസ് വിമാനം നെടുമ്പാശേരിയിൽ അടിയന്തരമായി ലാൻഡ് ചെയ്തു.
ജിദ്ദയിൽ നിന്ന് പുറപ്പെട്ട് കരിപ്പൂരിൽ ഇറങ്ങേണ്ടിയിരുന്ന എയർ ഇന്ത്യ എക്സ്പ്രസ് വിമാനമായ ഐഎക്സ് 398 ആണ് വഴിതിരിച്ചുവിട്ട് കൊച്ചിയിൽ ഇറങ്ങിയത്.
വിമാനത്തിന്റെ ലാൻഡിങ് ഗിയറിൽ സാങ്കേതിക തകരാർ കണ്ടെത്തിയതിനെ തുടർന്നാണ് നെടുമ്പാശേരിയിലേക്ക് അടിയന്തര ലാൻഡിങ് തീരുമാനിച്ചത്.
രാത്രി 9.07ന് വിമാനം സുരക്ഷിതമായി ലാൻഡ് ചെയ്തതായി സിയാൽ അധികൃതർ അറിയിച്ചു. ലാൻഡിങ് കഴിഞ്ഞുള്ള പരിശോധനയിലാണ് വിമാനത്തിന്റെ ടയറുകൾ പൊട്ടിത്തെറിച്ചതായി കണ്ടെത്തിയത്.
വിമാനത്തിലുണ്ടായിരുന്ന 160 യാത്രക്കാരും ജീവനക്കാരും പൂർണമായും സുരക്ഷിതരാണ്. യാത്രക്കാരെ നിലവിൽ വിമാനത്താവളത്തിനകത്ത് സുരക്ഷിതമായി പാർപ്പിച്ചിരിക്കുകയാണ്.
മറ്റൊരു വിമാനം ഒരുക്കി യാത്രക്കാരെ കരിപ്പൂർ വിമാനത്താവളം എത്തിക്കാനാണ് അധികൃതരുടെ ശ്രമം. അത് സാധ്യമാകാത്ത പക്ഷം റോഡ് മാർഗം യാത്രക്കാരെ ലക്ഷ്യസ്ഥാനത്ത് എത്തിക്കുമെന്നും അറിയിച്ചിട്ടുണ്ട്.
അടിയന്തര ലാൻഡിങ് സാധ്യത മുന്നിൽ കണ്ടതോടെ വിമാനത്താവളത്തിൽ സിഐഎസ്എഫ്, അഗ്നിരക്ഷാ സേന എന്നിവ അടക്കമുള്ള എല്ലാ സുരക്ഷാ വിഭാഗങ്ങളും സജ്ജരായി നിലയുറപ്പിച്ചിരുന്നു.
വിമാനം സുരക്ഷിതമായി ലാൻഡ് ചെയ്തതോടെ അടിയന്തര സാഹചര്യം ഒഴിവായ ആശ്വാസത്തിലാണ് വിമാനത്താവള അധികൃതർ.
കൊച്ചി∙ 160 യാത്രക്കാരുമായി കരിപ്പൂരിലേക്കു പോയ വിമാനത്തിന് നെടുമ്പാശേരിയിൽ അടിയന്തര ലാൻഡിങ്. ജിദ്ദയിൽനിന്ന് കരിപ്പൂരിൽ ഇറങ്ങേണ്ടിയിരുന്ന എയർ ഇന്ത്യ എക്സ്പ്രസ് വിമാനം ഐഎക്സ് 398 ആണ് വഴിതിരിച്ചുവിട്ട് കൊച്ചിയിൽ ഇറങ്ങിയത്.
വിമാനത്തിന്റെ ടയറുകൾ പൊട്ടിത്തെറിച്ചു. ലാൻഡിങ് ഗിയറിൽ സാങ്കേതിക പ്രശ്നം ഉണ്ടായതിനെത്തുടർന്നാണ് കൊച്ചിയിലേക്ക് അടിയന്തര ലാൻഡിങ്ങിനു വിമാനം ശ്രമിച്ചത്.
160 യാത്രക്കാരും ജീവനക്കാരും സുരക്ഷിതരാണ്. 9.07ന് വിമാനം സുരക്ഷിതമായി ലാൻഡ് ചെയ്തതായി സിയാൽ (കൊച്ചി വിമാനത്താവള അതോറിറ്റി) അറിയിച്ചു.
ലാൻഡിങ്ങിനു ശേഷമുള്ള പരിശോധനയിലാണ് ടയറുകൾ പൊട്ടിത്തെറിച്ചത് കണ്ടെത്തിയത്. നിലവിൽ വിമാനത്താവളത്തിന് അകത്തുള്ള യാത്രക്കാരെ മറ്റൊരു വിമാനം എത്തിച്ച് കരിപ്പൂരിലേക്ക് എത്തിക്കുമെന്നാണ് ഇപ്പോൾ അറിയിച്ചിരിക്കുന്നത്.
അതിനു സാധിച്ചില്ലെങ്കിൽ റോഡ് മാർഗം എത്തിക്കും.
അടിയന്തര ലാൻഡിങ്ങിന് ശ്രമിച്ചതോടെ വിമാനത്താവളത്തിൽ സിഐഎസ്എഫ്, അഗ്നിരക്ഷാ സേന തുടങ്ങിയ വിഭാഗങ്ങൾ സജ്ജരായി നിന്നിരുന്നു. എന്നാൽ സുരക്ഷിതമായി ലാൻഡ് ചെയ്യാനായി. അടിയന്തര സാഹചര്യം ഒഴിവായ ആശ്വാസത്തിലാണ് വിമാനത്താവള അധികൃതർ.
