ചെന്നൈ: കൊവിഡ് ബാധയെ തുടർന്ന് ഗുരുതരാവസ്ഥയിലായ ഗായകൻ എസ്.ബി.ബാലസുബ്രഹ്മണ്യത്തിൻ്റെ ആരോഗ്യനില മെച്ചപ്പെട്ട് വരുന്നതായി ഡോക്ടർമാർ അറിയിച്ചു. എസ്.പി.ബിയുടെ ശരീരം മരുന്നുകളോട് നന്നായി പ്രതികരിക്കുന്നുണ്ടെന്നും കഴിഞ്ഞ ദിവസങ്ങളേക്കാൾ ആരോഗ്യനില കാര്യമായി മെച്ചപ്പെട്ടുവെന്നും ഡോക്ടർമാർ വ്യക്തമാക്കുന്നു.
ചെന്നൈയിലെ എം.ജി.എം ആശുപത്രിയിലാണ് എസ്.പി.ബി ചികിത്സയിൽ കഴിയുന്നത്.എന്നാൽ എസ്.പി.ബി വെൻ്റിലേറ്ററിൽ തുടരുകയാണെന്നും ആശുപത്രി അധികൃതർ വ്യക്തമാക്കി. കൊവിഡ് പൊസീറ്റിവായ വിവരം എസ്.പി.ബി തന്നെയാണ് സമൂഹമാധ്യമങ്ങളിലൂടെ ലോകത്തെ അറിയിച്ചത്.
