രാജ്യത്ത് ഹിന്ദു ന്യൂനപക്ഷങ്ങൾക്കെതിരായ അക്രമങ്ങൾക്കിടയിൽ ഗണേശ ചതുർത്ഥി ആഘോഷിച്ച് ബംഗ്ലാദേശ് വിക്കറ്റ് കീപ്പർ ലിറ്റൻ ദാസ്. സെപ്തംബർ 8 ന് താനും കുടുംബവും ഗണേശ ചതുർത്ഥി ആഘോഷിക്കുന്ന ചിത്രങ്ങൾ അദ്ദേഹം ഇൻസ്റ്റാഗ്രാമിൽ പങ്കുവച്ചു.
രാജ്യവ്യാപകമായ രാഷ്ട്രീയ അശാന്തിയും പ്രക്ഷുബ്ധതയും അഭിമുഖീകരിക്കുമ്പോൾ ബംഗ്ലാദേശിൽ ന്യൂനപക്ഷങ്ങൾക്കെതിരായ അക്രമ സംഭവങ്ങൾക്കിടയിലാണ് ഇത് സംഭവിക്കുന്നത്. രണ്ട് ടെസ്റ്റുകൾക്കും മൂന്ന് ടി20 മത്സരങ്ങൾക്കുമായി ബംഗ്ലാദേശും ഇന്ത്യയിൽ പര്യടനം നടത്തുന്നുണ്ട്, ആദ്യ ടെസ്റ്റ് സെപ്റ്റംബർ 19 മുതൽ ആരംഭിക്കും.
അടുത്തിടെ ബംഗ്ലാദേശിൽ ഹിന്ദുക്കൾക്ക് നേരെ അക്രമങ്ങൾ നടന്നിരുന്നു. നിരവധി ഹിന്ദുക്കളുടെ വീടുകൾ തകർത്തിരുന്നു . എന്നാൽ ഇത്തരം ഭീഷണികൾ അവഗണിച്ചാണ് ലിറ്റൺ ദാസ് ഗണപതി പൂജയുടെ ചിത്രം പങ്ക് വച്ചത്.
“ഗണപതി നിങ്ങൾക്ക് ശക്തി നൽകട്ടെ, നിങ്ങളുടെ സങ്കടങ്ങൾ നശിപ്പിക്കുകയും നിങ്ങളുടെ ജീവിതത്തിൽ സന്തോഷം വർദ്ധിപ്പിക്കുകയും ചെയ്യട്ടെ. ഗണേശ ചതുർത്ഥി ആശംസകൾ.” എന്നാണ് അദ്ദേഹം ഇൻസ്റ്റാഗ്രാമിൽ കുറിച്ചത്.
