തദ്ദേശ – നിയമസഭാ തെരഞ്ഞെടുപ്പുകൾ ലക്ഷ്യമിട്ട് പാർട്ടിയെ ശക്തിപ്പെടുത്താനൊരുങ്ങി കോൺഗ്രസ്. 2019 ലെ ലോക്സഭാ തിരഞ്ഞെടുപ്പിൽ വൻ വിജയം നേടുകയും പിന്നീട് തദ്ദേശ- നിയമസഭാ തെരഞ്ഞെടുപ്പുകളിൽ തിരിച്ചടി നേടുകയും ചെയ്തത് ഇനി ആവർത്തിക്കാതിരിക്കാനുള്ള മുൻകരുതലുകളാണ് കെപിസിസി നേതൃ ക്യാംപിൽ സ്വീകരിച്ചത്. ഇതിന്‍റെ ഭാഗമായി താഴെ തട്ടിലുൾപ്പെടെ മുതിർന്ന നേതാക്കൾക്ക് ചുമതല നൽകുകയും ചെയ്തു.തദ്ദേശ തെരഞ്ഞെടുപ്പുകളിൽ കോർപ്പറേഷനുകളിൽ വൻ തിരിച്ചുവരവ് ലക്ഷ്യമിട്ട് കെപിസിസി പ്രസിഡന്‍റ്, പ്രതിപക്ഷ നേതാവ് തുടങ്ങിയവർക്കാണ് ചുമതല നൽകിയിരിക്കുന്നത്.
തദ്ദേശ സ്ഥാപനങ്ങളിലെ തെരഞ്ഞെടുപ്പുമായി ബന്ധപ്പെട്ട് ജില്ലകളിലെ പ്രവർത്തനങ്ങളുടെ ഏകോപനത്തിനു നേതാക്കൾക്കു ചുമതല നൽകിയാണ് കെപിസിസി ക്യാംപ് എക്സിക്യുട്ടീവ് സമാപിച്ചത്.തദ്ദേശ തെരഞ്ഞെടുപ്പുകളിൽ കോർപ്പറേഷനുകളിൽ വൻ തിരിച്ചുവരവ് ലക്ഷ്യമിട്ട് കെപിസിസി പ്രസിഡന്‍റ്, പ്രതിപക്ഷ നേതാവ് തുടങ്ങിയവർക്കാണ് ചുമതല നൽകിയിരിക്കുന്നത്. തദ്ദേശ സ്ഥാപനങ്ങളിലെ തെരഞ്ഞെടുപ്പുമായി ബന്ധപ്പെട്ട് ജില്ലകളിലെ പ്രവർത്തനങ്ങളുടെ ഏകോപനത്തിനു നേതാക്കൾക്കു ചുമതല നൽകിയാണ് കെപിസിസി ക്യാംപ് എക്സിക്യുട്ടീവ് സമാപിച്ചത്.
ലോക്സഭ തെരഞ്ഞെടുപ്പിന്‍റെ വൻ വിജയത്തിന് ശേഷം, വിജയം കൂടുതൽ ഉത്തരാവാദിത്തം നൽകുന്നു എന്ന തിരിച്ചറിവോടു കൂടിയാണ് കെപിസിസി ക്യാംപ് എക്സിക്യൂട്ടീവ് സമാപിച്ചതെന്ന് വർക്കിങ് പ്രസിഡന്‍റ് ടി സിദ്ദിഖ് പറഞ്ഞു. വരാൻ പോകുന്ന തദ്ദേശ തെരഞ്ഞെടുപ്പിലും നിയമസഭാ തെരഞ്ഞെടുപ്പിലും കൂടുതൽ കരുത്തോടെ പാർട്ടി തിരിച്ച് വരാനുള്ള രൂപരേഖ ക്യാംപിൽ രൂപപ്പെടുകയുണ്ടായി. താഴെ തലങ്ങളിൽ പാർട്ടി ശക്തമായി തിരിച്ച് വരേണ്ടതുണ്ട് എന്ന വിലയിരുത്തലിൽ മുതിർന്ന നേതാക്കന്മാർക്ക് തന്നെ ചുമതല നൽകുകയുണ്ടായെന്നും അദ്ദേഹം പറഞ്ഞു.
2019 ലെ ലോക്സഭാ തെരഞ്ഞെടുപ്പിൽ കോൺഗ്രസ് വൻ വിജയം നേടുകയും പിന്നീട് തദ്ദേശ- നിയമസഭാ തിരഞ്ഞെടുപ്പുകളിൽ നിറം മങ്ങുകയും ചെയ്തത് ഇനി ആവർത്തിക്കില്ല. അതിന് വേണ്ട മുൻകരുതലുകൾ പാർട്ടി സ്വീകരിക്കും. കോർപറേഷനുകളിൽ വലിയ തിരിച്ച് വരവാണ് കോൺഗ്രസ് ലക്ഷ്യം വയ്ക്കുന്നത്. അത് കൊണ്ട് തന്നെ മുതിർന്ന നേതാക്കന്മാർ തന്നെ ഉത്തരവാദിത്തം ഏറ്റെടുത്തു കഴിഞ്ഞെന്നും കോൺഗ്രസ് നേതാവ് പറയുന്നു.
കണ്ണൂർ – കെപിസിസി പ്രസിഡന്‍റ് സുധാകരൻ എംപി, എറണാകുളം – പ്രതിപക്ഷ നേതാവ് വിഡി സതീശൻ, കോഴിക്കോട് – കോൺഗ്രസ് പ്രവർത്തക സമിതി അംഗം രമേശ് ചെന്നിത്തല, തൃശൂർ – എഐസിസി സെക്രട്ടറി റോജിഎം ജോൺ, കൊല്ലം – മുൻ മന്ത്രി വിഎസ് ശിവകുമാർ, തിരുവനന്തപുരം – പിസി വിഷ്ണുനാഥ് എന്നിവർക്കാണ് ചുമതല.മേഖല തിരിച്ചുള്ള ചുമതലയും ക്യാംപ് എക്സിക്യൂട്ടീവ് നിശ്ചയിച്ചിട്ടുണ്ട്. ജില്ലകളെ 3 മേഖലകളായി വിഭജിച്ച് കെപിസിസി വർക്കിങ് പ്രസിഡന്‍റുമാർക്കും ചുമതല നൽകി. മലബാർ മേഖല – ടി സിദ്ദിഖ് എംഎൽഎ, കൊച്ചി മേഖല- ടിഎൻ പ്രതാപൻ, തിരുവനന്തപുരം – കൊടിക്കുന്നിൽ സുരേഷ് എംപി എന്നിങ്ങനെയാണ് ചുമതല. പാർട്ടിയുടെ സാധാരണ പ്രവർത്തകരെ ഏകോപിപ്പിച്ച് ഗ്രാമങ്ങളിലൂടെ പാർട്ടിയെ ഒറ്റക്കെട്ടായി ശക്തിപ്പെടുത്തുമെന്നും. വരാൻ പോകുന്നത് കോൺഗ്രസിന്‍റെ വസന്ത കാലമാണെന്നും ടി സിദ്ദിഖ് പറഞ്ഞു.
