ഭീഷ്മപർവ്വം എന്ന ചിത്രത്തിൽ മൈക്കിളിന്റെ കാമുകിയായി എത്തിയ ആലീസിനെ ആർക്കും മറക്കാനാകില്ല. നടി അനസൂയ ഭരദ്വാജ് ആണ് ചിത്രത്തിൽ മമ്മൂട്ടിയുടെ നായികയായി എത്തിയത്. തമിഴ് തെലുങ്ക് ചിത്രങ്ങളിൽ സജീവമായ അനസൂയയ്ക്ക് ആരാധകരും ഏറെയാണ്. അല്ലു അർജുൻ ചിത്രം പുഷ്പയിലും ശ്രദ്ധേയമായ വേഷം കൈകാര്യം ചെയ്തിരുന്നു. സോഷ്യൽ മീഡിയയിലും സജീവമാണ് അനസൂയ.
ഇപ്പോഴിതാ കഴിഞ്ഞ ദിവസം അനസൂയ പങ്കുവെച്ചൊരു വീഡിയോ സോഷ്യൽ മീഡിയയിൽ ചർച്ചയായിരിക്കുകയാണ്. കരച്ചിൽ അടക്കാൻ പാടുപെടുന്നഅനസൂയയുടെ വീഡിയോയായിരുന്നു ഇത്. ഏങ്ങിയേങ്ങി കരയുന്നതും വീഡിയോയിൽ കാണാം. താൻ അത്ര ശക്തയല്ലെന്നും അത് നിങ്ങളും അറിയണമെന്നും പോസ്റ്റിന് പിന്നാലെ പങ്കുവെച്ച കുറിപ്പിൽ അനസൂയ പറയുന്നു.
കുറിപ്പ് ഇങ്ങനെ ‘ നിങ്ങൾ എല്ലാവരും നല്ല ആരോഗ്യത്തോടെയും നല്ല മാനസികാവസ്ഥയിലുമാണെന്ന് പ്രതീക്ഷിക്കുന്നു. എന്റെ ഈ പോസ്റ്റ് കണ്ട് നിങ്ങളെല്ലാവരും ആശയക്കുഴപ്പത്തിലാവുമെന്ന് എനിക്കറിയാം. സോഷ്യൽ മീഡിയ പ്ലാറ്റ്ഫോമുകൾ ലോകമെമ്പാടുമുള്ളവരായി കണക്ഷൻ സ്ഥാപിക്കാൻ, ഇതിനെയൊരു മികച്ച സ്ഥലമാക്കി മാറ്റാൻ, പരസ്പരം പിന്തുണയ്ക്കാൻ, വിജ്ഞാനപ്രദമായ ഉള്ളടക്കങ്ങൾ പങ്കിടാൻ, വിവിധ ലൈഫ് സ്‌റ്റൈലുകളും സംസ്‌കാരവും അനുഭവിച്ചറിയാൻ, സന്തോഷം പകരാൻ ഒക്കെ സഹായിക്കുന്നു… ഇന്ന് അതിൽ ഏതെങ്കിലുമൊന്ന് യഥാർത്ഥത്തിൽ ഉണ്ടെങ്കിലെന്ന് ഞാനാഗ്രഹിക്കുന്നു…
ഈ പോസ്റ്റിന്റെ ഉദ്ദേശം, എല്ലാ പോസുകളും ഫോട്ടോഷൂട്ടുകളും കാൻഡിഡ് ഷോട്ടുകളും പുഞ്ചിരിയും പൊട്ടിച്ചിരികളും നൃത്തവും ശക്തമായ കൗണ്ടറുകളും തിരിച്ചുവരവുകളും എല്ലാം നിങ്ങളിലേക്ക് എത്തിക്കാറുണ്ട്. അതെല്ലാം എന്റെ ജീവിതത്തിന്റെ ഭാഗമാണ്, നിങ്ങളും അങ്ങനെ തന്നെയാണ്. ഞാൻ അതെല്ലാം നിങ്ങളുമായി പങ്കിടുന്നു. അതെല്ലാം എന്റെ ജീവിതത്തിന്റെ ഘട്ടങ്ങളാണ്… ഞാൻ അത്ര ശക്തയല്ല, ദുർബലയാണ്, എനിക്കും തകരാറുകൾ ഉണ്ട്.
നിങ്ങൾ അറിയണം. ഇത് അനിവാര്യമാണ്. മനുഷ്യനായിരിക്കുക. എല്ലാം സത്യമാണ്. ഒരു പബ്ലിക് ഫിഗർ എന്ന നിലയിൽ നിഷ്പക്ഷ വികാരങ്ങളുള്ള ഈ വ്യക്തിയാണെന്ന് ചിന്തിക്കാൻ ഞാൻ നിർബന്ധിതനാണ്. നയതന്ത്രം… ഡോണ്ട് കെയർ ആറ്റിറ്റിയൂഡ്… ശക്ത, എന്നാൽ കരുത്തിന്റെ ആ പതിപ്പ് എന്റെ കരുത്തിന്റെ പതിപ്പല്ല. എന്റെ കരുത്ത് ഇതാണ്. എന്റെ ദുർബലത പങ്കിടാനും ഇപ്പോഴും ഞാൻ വിശ്വസിക്കുന്ന കാര്യങ്ങളുമായി മുന്നോട്ട് പോവാനും കഴിയും.
