അബുദാബി: യുഎഇയില് പുതിയതായി 313 പേര്ക്ക് ഇന്ന് രോഗം സ്ഥിരീകരിച്ചു. ചികിത്സയിലായിരുന്ന 393 പേര്ക്ക് രോഗം ഭേദമാവുകയും ചെയ്തു.കഴിഞ്ഞ 24 മണിക്കൂറിനിടയില് കൊവിഡ് കാരണമുള്ള ഒരു മരണം പോലും റിപ്പോര്ട്ട് ചെയ്യപ്പെട്ടിട്ടില്ലെന്ന് ആരോഗ്യ-പ്രതിരോധ മന്ത്രാലയം അറിയിച്ചു.
ഇതുവരെ വൈറസ് ബാധ സ്ഥിരീകരിക്കപ്പെട്ടവരുടെ എണ്ണം 58,562 ആയി. ഇതില് 51,628 പേരും ഇതിനോടകം രോഗമുക്തി നേടി. 343 പേരാണ് മരണപ്പെട്ടത്. ഇപ്പോള് 6,591 കൊവിഡ് രോഗികളാണ് രാജ്യത്തുള്ളത്.
