ബോളിവുഡിന്റെ കരുത്തനായ താരം സുനിൽ ഷെട്ടിയുടെ മകൾ അതിയ ഷെട്ടിയും (Athiya Shetty) ക്രിക്കറ്റ് താരം കെ.എൽ. രാഹുലും (KL Rahul) തമ്മിൽ ഈ മാസം വിവാഹമുണ്ടാവും. തിയതി കുറിച്ച് വേണ്ടപ്പെട്ടവർക്ക് കല്യാണക്കുറി അയച്ചു കഴിഞ്ഞു എന്ന് ഹിന്ദുസ്ഥാൻ ടൈംസ് റിപ്പോർട്ട് ചെയ്യുന്നു. ഏറെനാളായി പ്രണയത്തിലാണ് ഇരുവരും,സുനിൽ ഷെട്ടിയുടെ ഉടമസ്ഥതയിലുള്ള ഫാം ഹൗസിലാണ് വിവാഹം. മൂന്നു ദിവസം നീളുന്ന ചടങ്ങുകളുണ്ടാവും. വിവാഹ തിയതിയും മറ്റു വിശേഷങ്ങളും അറിയാം.
ജനുവരി 23 ആണ് വിവാഹ തിയതി. ഖണ്ടാലയിലെ ഫാം ഹൗസ് ആണ് വിവാഹാഘോഷങ്ങൾക്ക് വേദിയാവുക. ജനുവരി 21ന് ലേഡീസ് നൈറ്റ് ഉണ്ടായിരിക്കും.
നടി ആകാംഷാ രഞ്ജൻ ഉൾപ്പെടുന്നവർ ലേഡീസ് നൈറ്റിന്റെ ഭാഗമാകും. തൊട്ടടുത്ത ദിവസം സംഗീത് ചടങ്ങുകളുണ്ടാവും. അതിയ ഷെട്ടിയുടെ കൂട്ടുകാരും, സഹോദരൻ അഹാൻ, അച്ഛനമ്മമാരായ സുനിൽ ഷെട്ടി, മായ എന്നിവർ പങ്കെടുക്കുന്ന ലളിതമായ ചടങ്ങാവും ഇത്. സിനിമാ താരങ്ങൾ ഉണ്ടാവാൻ സാധ്യതയില്ല.
സുനിൽ ഷെട്ടിയുടെ 17 വർഷം പഴക്കമുള്ള ഖണ്ടാല ഹൗസിൽ അധികം അതിഥികളെ പാർപ്പിക്കാൻ സാധിക്കില്ല. അതിനാൽ അടുത്തുള്ള ഫൈവ്-സ്റ്റാർ വസ്തുവിലാകും അവർ തങ്ങുക.സെലിബ്രിറ്റി സ്റ്റൈലിസ്റ് അമി പട്ടേലാകും വധുവിനെ അണിയിച്ചൊരുക്കുക എന്നും റിപ്പോർട്ടിൽ പറയുന്നു. രാഹുൽ വിജയ് ആകും വരന്റെ സ്റ്റൈലിസ്റ്.
