ദില്ലി: പ്രമുഖ നടിയും സംവിധായകയുമായ ആശാ പരേഖിന് ദാദാ സാഹേബ് ഫാല്‍ക്കെ പുരസ്‌കാരം. ഇന്ത്യയിലെ പരമോന്നത സിനിമ പുരസ്‌കാരമാണ് ദാദാ സാഹേബ് ഫാല്‍ക്കെ പുരസ്‌കാരം. ഇന്ത്യന്‍ സിനിമയ്ക്ക് നല്‍കിയ അവഗണിക്കാനാവാത്ത സംഭാവനകള്‍ക്കാണ് നടിക്ക് പുരസ്‌കാരം നല്‍കിയത്.
ഒരു കാലത്ത് ബോളിവുഡ് അഭിനയം കൊണ്ട് വിസ്മയിപ്പിച്ച നടിയായിരുന്നു ആശ. കേന്ദ്ര മന്ത്രി അനുരാഗ് താക്കൂറാണ് ഇത്തവണത്തെ പുരസ്‌കാരം പ്രഖ്യാപിച്ചത്. 1952ല്‍ ആസ്മാന്‍ എന്ന ബോളിവുഡ് ചിത്രത്തിലൂടെ ബാല താരമായിട്ടായിരുന്നു ആശാ പരേഖിന്റെ അരങ്ങേറ്റം.
