ഡല്‍ഹി സര്‍വകലാശാല പ്രവേശനം: അപേക്ഷാ തീയതി നീട്ടി

ന്യൂഡല്‍ഹി: ഡല്‍ഹി സര്‍വകലാശാല വിവിധ യു.ജി., പി.ജി., എം.ഫില്‍., പിഎച്ച്.ഡി. കോഴ്‌സുകളിലേക്കുള്ള അപേക്ഷാ തീയതി ജൂലായ് 31 വരെ ദീര്‍ഘിപ്പിച്ചു.

ആറ് ലക്ഷത്തിലേറെ അപേക്ഷകളാണ് ശനിയാഴ്ച വരെ അഡ്മിഷന്‍ പോര്‍ട്ടല്‍ വഴി ലഭിച്ചതെന്ന് അധികൃതര്‍ അറിയിച്ചു. യു.ജി. കോഴ്‌സുകളിലേക്ക് 4,44,198 അപേക്ഷകളും പി.ജി. കോഴ്‌സുകള്‍ക്ക് 1,66,993 അപേക്ഷകളുമാണ് ലഭിച്ചത്. എം.ഫില്‍, പിഎച്ച്.ഡി കോഴ്‌സുകളിലേക്ക് 30,107 പേരും അപേക്ഷിച്ചിട്ടുണ്ട്.