“കുറ്റം ഞാൻ ഏറ്റുകൊള്ളാം, എനിക്ക് 17 വയസ്സല്ലേ ഉള്ളൂ; എന്നെ ശിക്ഷിക്കില്ലല്ലോ!”
സംസ്ഥാനത്തെ നടുക്കിയ കൊലപാതക കേസിൽ ഞെട്ടിക്കുന്ന വിവരങ്ങൾ പുറത്ത്. കൊലപാതകം നടത്തിയത് കൃത്യമായ ആസൂത്രണത്തോടെയെന്ന് പോലീസ് കമ്മീഷണർ വ്യക്തമാക്കി.
പ്രതികളുടെ കുതന്ത്രം ഇങ്ങനെ:
പോലീസിന്റെ പിടിയിലായാൽ ശിക്ഷയിൽ നിന്ന് രക്ഷപ്പെടാൻ പ്രായപൂർത്തിയാകാത്ത കൂട്ടുപ്രതിയെക്കൊണ്ട് കുറ്റം ഏൽപ്പിക്കാനായിരുന്നു മുഖ്യപ്രതികളുടെ പദ്ധതി. പ്രായപൂർത്തിയാകാത്തവർക്ക് വലിയ ശിക്ഷ ലഭിക്കില്ലെന്ന കണക്കുകൂട്ടലിലായിരുന്നു ഈ നീക്കം.
ഒന്നാം പ്രതിയും കൂട്ടാളികളും: കൊലപാതകസ്ഥലത്തേക്ക് ഒന്നാം പ്രതിയും (17 വയസ്സുകാരൻ) കൊല്ലപ്പെട്ടയാളും എത്തുന്നതിന് മുൻപ് തന്നെ, സിസിടിവി ഇല്ലാത്ത വഴിയിലൂടെ പ്രായപൂർത്തിയാകാത്ത മറ്റൊരു പ്രതിയായ ഉമർ (A2) അവിടെയെത്തി കാത്തുനിൽക്കുകയായിരുന്നു.
കാമുകിയുടെ പങ്ക്: മൂന്നാം പ്രതിയായ കാമുകി അനന്ദയ്ക്ക് (A3) ഈ പദ്ധതിയെക്കുറിച്ച് കൃത്യമായ അറിയാമായിരുന്നു.
പോലീസിന്റെ തന്ത്രപരമായ നീക്കം:
കസ്റ്റഡിയിലായ ഉമറിനെ ചോദ്യം ചെയ്തപ്പോൾ തന്നെ വാഹനത്തിൽ വെച്ച് അയാൾ എല്ലാ കാര്യങ്ങളും പോലീസിനോട് തുറന്നുസമ്മതിച്ചു. എന്നാൽ ഒന്നാം പ്രതി ഉച്ചവരെ വിവരങ്ങൾ ഒന്നും പറയാതെ ഒളിപ്പിച്ചു വെക്കുകയാണ് ചെയ്തത്. താനൊരു സന്ദേശം അയച്ചു എന്ന് മാത്രമായിരുന്നു ഇയാളുടെ മൊഴി.
പോലീസ് നിലപാട് വ്യക്തമാക്കുന്നു:
രാവിലെത്തന്നെ വിവരങ്ങൾ മറച്ചുവെക്കുന്നു എന്നാരോപിച്ച് ബന്ധുക്കൾ പരാതിപ്പെട്ടിരുന്നു. എന്നാൽ മൃതദേഹം കണ്ടെത്താതെ മരണവിവരം സ്ഥിരീകരിക്കുന്നത് സ്റ്റേഷനിൽ വലിയ പ്രതിഷേധങ്ങൾക്ക് കാരണമാകുമെന്ന് കരുതിയാണ് പോലീസ് വിവരങ്ങൾ രഹസ്യമായി വെച്ചത്. പ്രതികൾക്ക് തക്കതായ ശിക്ഷ ഉറപ്പാക്കുന്നതിന്റെ ഭാഗമായാണ് അന്വേഷണ സംഘം ഇത്രയും കരുതലോടെ നീങ്ങിയത്. ഒടുവിൽ ശാസ്ത്രീയമായ ചോദ്യം ചെയ്യലിലൂടെ ഒന്നാം പ്രതി തന്നെയാണ് മൃതദേഹം ഒളിപ്പിച്ച സ്ഥലം പോലീസിനോട് വെളിപ്പെടുത്തിയത്.
