ഇന്ത്യൻ ഓയിൽ കോർപ്പറേഷൻ (IOCL) പുറത്തിറക്കിയ 5 കിലോഗ്രാം ഭാരമുള്ള ചെറിയ എൽപിജി സിലിണ്ടറാണ് ‘ഛോട്ടു’. ഇത് മുൻകൂട്ടി ബുക്ക് ചെയ്യാതെ തന്നെ പെട്രോൾ പമ്പുകളിൽ നിന്നും ഏജൻസികളിൽ നിന്നും എളുപ്പത്തിൽ വാങ്ങാം. കുറഞ്ഞ ഉപയോഗമുള്ളവർക്കും, ചെറിയ കുടുംബങ്ങൾക്കും, ബാച്ചിലർമാർക്കും അനുയോജ്യമായ സുരക്ഷിതമായ സിലിണ്ടറാണിത്. വലിയ സിലിണ്ടറുകള് പോലെ കടുത്ത നിയന്ത്രങ്ങള് 5 കിലോ ഗ്രാം ഛോട്ടു സിലിണ്ടറിനില്ല. ഗ്യാസ് കണക്ഷന് ഇല്ലാത്തവര്ക്കും, ഇതര സംസ്ഥാന തൊഴിലാളികള്ക്കും പ്രധാന്യം നല്കി അവതരിപ്പിക്കപ്പെട്ട ആശയമാണ് ശരിക്കു ഛോട്ടു സിലിണ്ടര്. നിലവില് രാജ്യത്തെ എല്പിജി ക്ഷാമത്തിനുള്ള പരിഹാരമായി ഇതു മാറുകയാണ്. ആധാര് കാര്ഡുള്ള ഏതൊരു ഉപയോക്താവിനും ബുക്കിംഗോ, വെയിറ്റിംഗോ കൂടാതെ 5 കിലോഗ്രാം ഛോട്ടു സിലിണ്ടര് എളുപ്പത്തില് ലഭ്യമാണ്.
ഛോട്ടു ഗ്യാസ് സിലിണ്ടറിന്റെ പ്രധാന പ്രത്യേകതകൾ:
- ഭാരം: കേവലം 5 കിലോഗ്രാം എൽപിജി.
- ബുക്കിംഗ് വേണ്ട: രജിസ്ട്രേഷൻ നടപടികളില്ലാതെ ഐഡന്റിറ്റി പ്രൂഫ് കാണിച്ച് വാങ്ങാം.
- സുരക്ഷ: ബിഐഎസ് (BIS) അംഗീകാരമുള്ള, മികച്ച ഗുണനിലവാരമുള്ള സിലിണ്ടർ.
- ലഭ്യത: പെട്രോൾ പമ്പുകൾ, ഇൻഡെയ്ൻ വിതരണക്കാർ എന്നിവർ വഴി എളുപ്പത്തിൽ ലഭ്യമാണ്.
- ഉപയോഗം: കൊണ്ടുനടക്കാൻ എളുപ്പമാണ് (Portable), ചെറിയ അടുക്കളകൾക്ക് അനുയോജ്യം.
വാങ്ങേണ്ട വിധം:
തങ്ങളുടെ അടുത്തുള്ള ഇന്ത്യൻ ഓയിൽ പെട്രോൾ പമ്പിലോ, ഇൻഡെയ്ൻ ഏജൻസിയിലോ പോയി ആധാർ കാർഡ് ഉപയോഗിച്ച് 5 കിലോയുടെ ഛോട്ടു സിലിണ്ടർ വാങ്ങാവുന്നതാണ്. ഛോട്ടു സിലിണ്ടര് ‘ഫ്രീ ട്രേഡ് എല്പിജി’ വിഭാഗത്തില് പെടുന്നതാണ്. അതുകൊണ്ട് തന്നെ ഒരു കണക്ഷന് ലഭിക്കുക എന്നു പറയുന്നത് വളരെ എളുപ്പമാണ്. സാധാരണ ഗാര്ഹിക എല്പിജി കണക്ഷന് നേടുന്നതിനുള്ള തടസങ്ങള് ഒന്നും തന്നെ ഈ കുട്ടി സിലിണ്ടറിന് ഇല്ല. നിലവില് ഒരു ആധാറുള്ള ഏതൊരു പൗരനും ഈ സിലിണ്ടറുകള് കിട്ടും. വിലാസ തെളിവ് പോലും ആവശ്യമില്ല. ഇവ എളുപ്പത്തില് റീഫില് ചെയ്യാനും കഴിയും. റീഫില് ചെയ്യുന്നതിന് ഒരു പ്രത്യേക വിതരണക്കാരനെ സന്ദര്ശിക്കണമെന്ന് നിര്ബന്ധമില്ല.
