ബംഗളൂരു: ഒാണക്കാലത്ത് ആരംഭിച്ച ബംഗളൂരുവില്‍നിന്നും കേരളത്തിലേക്കും തിരിച്ചുമുള്ള കേരള ആര്‍.ടി.സിയുടെ സ്പെഷല്‍ ബസ് സര്‍വിസ് ഒക്ടോബര്‍ 26 വരെ നീട്ടി. ഒാണക്കാലത്ത് ആരംഭിച്ച സ്പെഷല്‍ ബസ് സര്‍വിസുകള്‍ കര്‍ണാടക ആര്‍.ടി.സി കഴിഞ്ഞ ദിവസം ഒക്ടോബര്‍ 14 വരെ നീട്ടിയിരുന്നു. ഇതിന് പിന്നാലെയാണ് ഒാണക്കാലം കഴിഞ്ഞെങ്കിലും പ്രത്യേക സര്‍വിസായി പരിഗണിച്ച്‌ ബസ് സര്‍വിസുകള്‍ തുടരാന്‍ കേരള ആര്‍.ടി.സിയും തീരുമാനിച്ചത്.
പ്രത്യേക സര്‍വീസുകള്‍ നീട്ടിയതിന് പിന്നാലെ ഒക്ടോബര്‍ 17 വരെയുള്ള റിസര്‍വേഷനും കേരള ആര്‍.ടി.സി ആരംഭിച്ചിട്ടുണ്ട്.കോവിഡിന് മുമ്ബുണ്ടായിരുന്നപോലെ ഒരു മാസം മുമ്ബെയുള്ള റിസര്‍വേഷനാണ് ഇരു ആര്‍.ടി.സികളും ആരംഭിച്ചിരിക്കുന്നത്. സ്ഥിരം ഷെഡ്യൂള്‍ സര്‍വിസുകള്‍ തുടങ്ങാന്‍ കേരളത്തിെന്‍റ അനുമതി വൈകുന്നതിനെ തുടര്‍ന്നാണ് സ്പെഷല്‍ സര്‍വിസ് ദീര്‍ഘനാളത്തേക്ക് തുടരാന്‍ കര്‍ണാടക തീരുമാനിച്ചത്.
സമാനമായ രീതിയില്‍ കേരള ആര്‍.ടി.സിയും കൂടുതല്‍ ദിവസത്തേക്ക് സര്‍വിസ് തുടരാന്‍ കഴിഞ്ഞ ദിവസം തീരുമാനിക്കുകയായിരുന്നു. ഒക്േടാബറിലും സര്‍വിസ് ദീര്‍ഘിപ്പിക്കാനുള്ള സാധ്യതയും ഇതോടെ വര്‍ധിച്ചു. ബസ് സര്‍വിസുകള്‍ തുടരണമെന്ന യാത്രക്കാരുടെ ആവശ്യം പരിഗണിച്ചാണ് നടപടി. എന്‍ഡ് ടു എന്‍ഡ് നിരക്കിലാണ് സ്പെഷല്‍ സര്‍വിസുകള്‍ ഒാടുന്നതെങ്കിലും സ്ഥിരം സര്‍വിസുപോലെ ദീര്‍ഘനാളത്തേക്ക് നീട്ടിയത് കേരളത്തിലേക്ക് പോകേണ്ടവര്‍ക്കും ബംഗളൂരുവിലേക്ക് മടങ്ങേണ്ടവര്‍ക്കും ഒരുപോലെ ആശ്വാസമാകും
