ഹൈദരാബാദ്: തെലങ്കാനയിലെ ഹൈഡ്രോ ഇലക്ട്രിക് പ്ലാന്‍റിൽ തീപിടിത്തം. പ്ലാന്‍റിനുള്ളിലെ പവർ ഹൗസിലാണു തീപിടിത്തമുണ്ടായത്. 9 പേർ അകത്തു കുടുങ്ങികിടക്കുന്നതായാണ് റിപ്പോർട്ട്.
തെലങ്കാനയിലെ ശ്രീശൈലം ഹൈഡ്രോ ഇലക്ട്രിക് പ്ലാന്‍റിൽ രാത്രിയിലാണു തീപിടിത്തം ഉണ്ടായത്. ആന്ധ്രാപ്രദേശ്-തെലങ്കാന അതിർത്തിയിലാണ് ഈ പ്ലാന്‍റ് സ്ഥിതി ചെയ്യുന്നത്. പത്തുപേരെ ഉടൻതന്നെ രക്ഷപ്പെടുത്തി. അകത്തു കുടുങ്ങിക്കിടക്കുന്നവരെ രക്ഷപ്പെടുത്താൻ ദുരന്ത നിവാരണ സേനാംഗങ്ങൾ ശ്രമം തുടരുന്നുണ്ട്. കർണൂലിൽനിന്നുള്ള അഗ്നിശമന സേനാംഗങ്ങൾ സ്ഥലത്തെത്തിയിട്ടുണ്ട്. കൂടുതൽ വിവരങ്ങൾ അറിവായിട്ടില്ല.
