സംസ്ഥാനത്തെ സ്വർണവിലയിൽ ഇന്നും ആശ്വാസം. ഇന്നലെ റെക്കോർഡ് കുറവാണ് വിലയിൽ രേഖപ്പെടുത്തിയിരുന്നത്. 1640 രൂപയാണ് ഇന്നലെ മാത്രം ഒരു പവൻ സ്വർണത്തിന് കുറഞ്ഞത്. ഇതിന് തുടർച്ചയായാണ് ഇന്ന് 160 രൂപയുടെ കുറവ് കൂടി രേഖപ്പെടുത്തിയത്. ഇതോടെ രണ്ട് ദിവസത്തിനുള്ളിൽ 1800 രൂപയുടെ ഇടിവാണ് സ്വർണവിപണിയിലുണ്ടായത്. ഇതോടെ 70,040 രൂപയാണ് ഒരു പവൻ സ്വർണത്തിന് ഇന്നും നൽകേണ്ടത്. 8755 രൂപയാണ് ഇന്ന് ഒരു ഗ്രാം സ്വർണത്തിൻ്റെ വില.
കഴിഞ്ഞ മാസം 12 നാണ് സ്വര്‍ണവില ആദ്യമായി 70,000 കടന്നത്. ലോകത്തെ ഏറ്റവും വലിയ സ്വർണ ഉപഭോക്താക്കളാണ് ഇന്ത്യ. ഓരോ വർഷവും ടൺ കണക്കിന് സ്വർണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയിൽ സംഭവിക്കുന്ന ചെറിയ ചലനങ്ങൾ പോലും അടിസ്ഥാനപരമായി ഇന്ത്യയിലെ സ്വർണവിലയിൽ പ്രതിഫലിക്കുന്നത്.
