ഓരോ ചില്ലി കാശിനും കണക്ക് പറയേണ്ടി വരും! ആം ആദ്മിയുടെ ഭരണത്തെ കുറിച്ച് രേഖ ഗുപ്ത

0
23

രാജ്യതലസ്ഥാനമായ ഡൽഹിയ്ക്ക് പുതിയ മുഖഛായ നൽകുമെന്ന് നിയുക്ത ഡൽഹി മുഖ്യമന്ത്രി രേഖ ഗുപ്ത. വലിയ ഉത്തരവാദിത്തമാണ് തന്നെ ഏൽപ്പിച്ചിരിക്കുന്നത്. ഒരു മകളെ പോലെ തന്നെ വിശ്വസിച്ചതിന് പ്രധാനമന്ത്രി നരേന്ദ്രമോദിക്കും നേതൃത്വത്തിനും നന്ദി പറയുന്നുവെന്നും രേഖ ഗുപ്ത പറഞ്ഞു. പാർട്ടി നൽകിയ വാഗ്ദാനങ്ങൾ നിറവേറ്റുക എന്നതാണ് തന്റെ പ്രഥമ പരിഗണനയെന്നും രേഖ ഗുപ്ത കൂട്ടിച്ചേർത്തു.

രണ്ടാമത്തെ മുൻഗണന 48 എംഎൽഎമാരും ടീ മോദിയായി പ്രവർത്തിക്കുക എന്നതാണ്. താൻ ഡൽഹിയുടെ മുഖ്യമന്ത്രിയാകുമെന്ന് ഒരിക്കലും കരുതിയില്ലെന്നും രേഖ ഗുപ്ത പറഞ്ഞു. ‘കഴിഞ്ഞ 12 വർഷമായി ഡൽഹി ഭരിച്ചിരുന്ന സർക്കാരിനെതിരെ എന്ത് അഴിമതി ആരോപണങ്ങൾ ഉയർന്നാലും, പൊതുജനങ്ങളുടെ ഓരോ പൈസയ്ക്കും കണക്ക് നൽകേണ്ടിവരും’ എന്നും രേഖ ഗുപ്ത വ്യക്തമാക്കി. ആം ആദ്മി പാർട്ടിക്കെതിരായ അഴിമതി ആരോപണങ്ങൾ അന്വേഷിക്കുമോയെന്ന ചോദ്യത്തിന് മറുപടി പറയുകയായിരുന്നു അവർ.

രേഖ ഗുപ്തയ്‌ക്കൊപ്പം ന്യൂഡൽഹിയിൽ നിന്നുള്ള എംഎൽഎ പർവേഷ് വർമ്മ ഉൾപ്പെടെ ആറ് മന്ത്രിമാരും സത്യപ്രതിജ്ഞ ചെയ്യും. പ്രവേശന് വർമ്മയെ കൂടാതെ കപിൽ മിശ്ര, മഞ്ജീന്ദർ സിംഗ് സിർസ, ആശിഷ് സൂദ്, പങ്കജ് സിംഗ്, രവീന്ദർ സിംഗ് എന്നിവരുടെ പേരുകളും ഉൾപ്പെടുത്തിയിട്ടുണ്ട്. രാംലീല മൈതാനിയിൽ നടക്കുന്ന സത്യപ്രതിജ്ഞാ ചടങ്ങിൽ പ്രധാനമന്ത്രി മോദിയെ കൂടാതെ, ബിജെപി, എൻഡിഎ ഭരിക്കുന്ന നിരവധി സംസ്ഥാനങ്ങളിലെ മുഖ്യമന്ത്രിമാരും 30,000-ത്തിലധികം ആളുകളും പങ്കെടുക്കും

LEAVE A REPLY

Please enter your comment!
Please enter your name here