തിരുവനന്തപുരം : വിഴിഞ്ഞത്ത് പോലീസ് ഉദ്യോഗസ്ഥയ്ക്ക് നേരെ ആക്രമണം. വിഴിഞ്ഞം പോലീസ് സ്‌റ്റേഷനിലെ വനിതാ പോലീസുകാരിക്ക് നേരെയാണ് ആക്രമണം ഉണ്ടായത്. ആക്രമണത്തില്‍ പരിക്കേറ്റ പോലീസുകാരിയെ ആശുപത്രിയില്‍ പ്രവേശിപ്പിച്ചു.
കല്ലുവെട്ടാംകുഴി ക്രൈസ്റ്റ് കോളേജിന് മുന്നിലായിരുന്നു സംഭവം. ഇരു ചക്രവാഹനത്തില്‍ പോകുകയായിരുന്ന പോലീസുകാരിയെ ഓട്ടോറിക്ഷയില്‍ പിന്തുടര്‍ന്ന് എത്തിയ രണ്ടംഗ സംഘം മര്‍ദ്ദിക്കുകയായിരുന്നു. സംഭവത്തില്‍ രണ്ട് പേരെ കോവളം പോലീസ് കസ്റ്റഡിയില്‍ എടുത്തിട്ടുണ്ട്.
