എറണാകുളത്ത് തീവ്രവാദ വിരുദ്ധ സേനയും പൊലീസും നടത്തിയ റെയ്ഡിൽ അനധികൃതമായി താമസിച്ച് ജോലി ചെയ്തിരുന്ന 27 ബംഗ്ലാദേശ് പൗരന്മാരെ അറസ്റ്റ് ചെയ്തു.
ആലുവ പൊലീസും തീവ്രവാദ വിരുദ്ധ സേനയും സംയുക്തമായി നടത്തിയ റെയ്ഡിൽ മുനമ്പത്ത് നിന്നാണ് ബംഗ്ലാദേശ് പൗരന്മാരെ അറസ്റ്റ് ചെയ്യുന്നത്.
ക്ലീൻ റൂറൽ എന്ന പേരിൽ കൊച്ചിയിൽ നടത്തിയ പരിശോധനയിലാണ് ഇവരെ പിടികൂടിയത്. ഇവർ ഇതര സംസ്ഥാന തൊഴിലാളികളെന്ന വ്യാജേന മുനമ്പത്തെ ലേബർ ക്യാംപിൽ താമസിച്ച് വരികയായിരുന്നു.
പിടികൂടിയ സംഘത്തിൽ സ്ത്രീകളും ഉണ്ടെന്നാണ് വിവരം. ആകെ അമ്പതോളം പേരെ കസ്റ്റഡിയിലെടുത്തെങ്കിലും ഇതിൽ 23 പേർ അന്യ സംസ്ഥാനത്ത് നിന്നുള്ളവരാണെന്ന് കണ്ടെത്തിയതോടെ വിട്ടയച്ചു.
ഇന്നലെ രാത്രി 12 മണിയോടെയാണ് പരിശോധന ആരംഭിച്ചത്.
ബംഗ്ലാദേശി പൗരന്മാരിൽ ചിലർ ഒരു വർഷത്തിലേറെയായി കൊച്ചിയിൽ താമസിക്കുന്നവരാണ്.
വിശദമായി ചോദ്യം ചെയ്ത ശേഷം ഇവരെ കോടതിയിൽ ഹാജരാക്കും
