കനത്ത മൂടൽമഞ്ഞിനെത്തുടർന്ന് ദൂരക്കാഴ്ച കുറവായതിനാൽ ഞായറാഴ്ച രാവിലെ ഡൽഹി-മുംബൈ എക്‌സ്‌പ്രസ് വേയിൽ കാറുകളും ബസുകളും ട്രക്കുകളും ഉൾപ്പെടെ 10 വാഹനങ്ങൾ കൂട്ടിയിടിച്ച് ഒരാൾ മരിക്കുകയും നിരവധി പേർക്ക് പരിക്കേൽക്കുകയും ചെയ്തു. രാജസ്ഥാനിലെ അൽവാർ ജില്ലയ്ക്ക് സമീപമാണ് സംഭവം.
ദൂരക്കാഴ്ച ക്രമാതീതമായി കുറഞ്ഞതിന് പിന്നാലെ വാഹനങ്ങൾ ഇടിച്ച് പിന്നീട് കൂട്ടിയിടിക്ക് കാരണമാവുകയായിരുന്നു. സംഭവം ഡ്രൈവർമാർക്കിടയിൽ പരിഭ്രാന്തി സൃഷ്ടിച്ചു, പലരും വാഹനങ്ങൾ ഉപേക്ഷിച്ച് സുരക്ഷിത സ്ഥാനത്തേക്ക് ഓടി.
അപകടത്തിൽ കോട്‌പുട്ട്‌ലി സ്വദേശിയായ സുഭാഷ് എന്ന 26 കാരൻ്റെ ജീവൻ നഷ്ടപ്പെട്ടു, മറ്റ് അഞ്ച് പേർ ഗുരുതരമായി പരിക്കേറ്റ് ചികിത്സയിലാണെന്ന് പോലീസ് പറഞ്ഞു.
