കർണാടകയിലെ ദക്ഷിണ കന്നഡ ജില്ലയിലെ ഷിരൂരിൽ ദേശീയ മണ്ണിടിച്ചിലിനെ തുടർന്ന് കാണാതായ കോഴിക്കോട് സ്വദേശിയായ ട്രെക്ക് ഡ്രെെവർ അർജുന് വേണ്ടിയുള്ള തെരച്ചിൽ വെള്ളിയാഴ്ചയോടെ വീണ്ടും ആരംഭിച്ചേക്കും.
കാലാവസ്ഥ അനുകൂലമെങ്കിൽ നാളെ ഡ്രഡ്‍ജർ ഗോവയിൽ നിന്നും പുറപ്പെടും. പ്രദേശത്തെ കാലാവസ്ഥ മെച്ചപ്പെടുന്നുവെന്നാണ് ഇന്നലത്തെ വിലയിരുത്തൽ.
ഗംഗാവലിപ്പുഴയിലെ ഒഴുക്ക് നിലവിൽ തെരച്ചിലിന് അനുകൂലമെന്നും വിലയിരുത്തലുണ്ട്. ഈ ഡ്രഡ്‍ജർ ഗോവയിൽ നിന്ന് ഷിരൂരിലേക്ക് ഡ്രഡ്‍ജർ എത്തിക്കാൻ 30-40 മണിക്കൂർ സമയം ആവശ്യമാണ്.
നിലവിലെ കാലാവസ്ഥാ പ്രവചനം പ്രകാരം സെപ്റ്റംബർ 11 വരെ ഉത്തരകന്നഡ ജില്ലയിലും കർണാടകയുടെ തീരദേശജില്ലകളിലും യെല്ലോ അലർട്ട് ആണ്.
സ്വകാര്യ ഡ്രെഡ്‍ജിംഗ് കമ്പനിയുടെ ഡ്രഡ്‍ജർ ആണ് ടഗ് ബോട്ടിൽ സ്ഥലത്തേക്ക് കൊണ്ട് വരിക.
ഈ തിരച്ചിലിന് ആവശ്യമായ എല്ലാ ചെലവുകളും വഹിക്കാൻ തയ്യാറാണെന്ന് കർണാടക മുഖ്യമന്ത്രി സിദ്ധരാമയ്യ അർജുന്‍റെ കുടുംബത്തിന് ഉറപ്പ് നൽകിയിരുന്നു.
