കൂത്താട്ടുകുളത്ത് വൻ വാഹനാപകടം. ഇന്ന് വൈകിട്ട് മൂന്നേമുക്കാലോടെ കൂത്താട്ടുകുളം വി സിനിമയ്ക്ക് സമീപം ആറ് വാഹനങ്ങൾ കൂട്ടിമുട്ടി വാഹനയാത്രികരായ 35 പേർക്ക് പരിക്കേറ്റു.
കൂത്താട്ടുകുളത്തുനിന്നും മൂവാറ്റുപുഴ റൂട്ടിലേയ്ക്കുപോയ വാഹനങ്ങളാണ് ഒന്നിനുപുറകെ ഒന്നായി കൂട്ടിമുട്ടിയത്.
പാലക്കാട് നെന്മാറ കോർപ്പറേറ്റീവ് സൈസൈറ്റിയുടെ ടെമ്പോ ട്രാവലറിൽ സി.ബി.എം.കമ്പനിയുടെ ടിപ്പർ ഇടിച്ചു. അതിനു പുറകിലായി കെ.എസ്.ആർ.ടി.സി. സ്വിഫ്റ്റ് ഇടിച്ചുകയറി.
ഇടിയുടെ ആഘാതത്തിൽ ബസിൻറെ മുൻഭാഗം തകർന്നു. ബസ് ഡ്രൈവർ ഉൾപ്പെടെ നാലോളം പേർക്ക് സാരമായ പരിക്കേറ്റു. കമ്പിയിൽ മുഖമിടിച്ച ഇരുപതോളം ബസ് യാത്രികരെയും വിവിധ വാഹനങ്ങളിലായി ദേവമാതാ ആശുപത്രിയിൽ എത്തിച്ചു.
ഇതേസമയം ബസിനുപുറകിലിടിച്ച കാർ ബസിനു പുറകിൽ കുരുങ്ങി. കാർ യാത്രികയായ ബോബിന വർഗ്ഗീസ്, എന്നിവർക്ക് സാരമായി പരിക്കേറ്റു. ഓടിക്കൂടിയ നാട്ടുകാർ, കൂത്താട്ടുകുളം ഫയർ ആൻഡ് റസ്ക്യൂ സേന, പോലീസ് എന്നിവർ ചേർന്ന് പരിക്കേറ്റവരെ വിവിധ വാഹനങ്ങളിലായി ആശുപത്രിയിൽ എത്തിച്ചു.
ഫയർ ആൻഡ് റസ്ക്യൂ അസിസ്റ്റന്റ് സ്റ്റേഷൻ ഓഫീസർ ജെ. രാജേന്ദ്രൻ നായരുടെ നേതൃത്വത്തിൽ രക്ഷാപ്രവർത്തനം നടത്തി. ക്രെയിൻ എത്തിച്ച് വാഹനങ്ങൾ മാറ്റി റോഡ് ഗതാഗതം പുനഃസ്ഥാപിച്ചു.
