പരിഹാരമാർഗ്ഗം വീട്ടിൽ തന്നെ
രണ്ട് സ്പൂൺ ഒലിവ് ഓയിലും രണ്ട് സ്പൂൺ ഓട്സും രണ്ട് സൂപൂൺ തേനും ഒരു സ്പൂൺ തേങ്ങാപ്പാലും എടുക്കുക. ശേഷം ഇവ നന്നായി അരച്ച് പേസ്റ്റ് രൂപത്തിലാക്കണം. ഇവ തലയോട്ടിയിൽ തേച്ച് നന്നായി മസാജ് ചെയ്യുക. മാസത്തിൽ ഒന്ന് എന്ന കണക്കിന് വേണം ചെയ്യാൻ. പതിയെപ്പതിയെ മുടിയുടെ ആരോഗ്യത്തിൽ മാറ്റങ്ങൾ വന്ന് തുടങ്ങുന്നതായി കാണാൻ സാധിക്കും.
ഇവയ്ക്ക് പുറമെ ഹോട്ട് ഓയിൽ മസാജ് ചെയ്യുന്നതും മുടിയുടെ വളർച്ചയ്ക്കും രക്തയോട്ടം വർദ്ധിപ്പിക്കാനും സഹായിക്കും. മുടിയിഴയുടെ കരുത്തിന് ഇളം ചൂടിൽ എണ്ണ തേയ്ക്കാം. പച്ച മരുന്നുകൾ ഉപയോഗിച്ച് കാച്ചിയതോ പച്ചവെളിച്ചെണ്ണയും ഏതും ഉപയോഗിക്കാം. തേങ്ങാപ്പാലിൽ നിന്നെടുക്കുന്ന ഉരുക്കുവെളിച്ചെണ്ണയും മുടിയുടെ ആരോഗ്യത്തിന് അത്യുത്തമമാണ്.
കിഴിപിടിക്കുക എന്നൊരു ആയുർവേദ ചികിത്സാ രീതിയുണ്ട്. ഇതുപോലെ തലയ്ക്കും മുടിയ്ക്കും വേണ്ടി കിഴി പിടിക്കാൻ സാധിക്കും. തുണിക്കിഴികൾ ഉണ്ടാക്കി. ഇതിൽ ചൂട് പിടിച്ച് തലയോട്ടിയിൽ വെയ്ക്കും. ചൂട് അധികമാകാതെ എപ്പോഴും ശ്രദ്ധിക്കണം. ഇന് ഈ കിഴികളിൽ കേശവർദ്ധനവിന് ഉപയോഗിക്കുന്ന പ്രകൃതിദത്ത ഇലകളോ കായ്കരളോ ഉപയോഗിക്കാം.
പുറമെ ചെയ്യുന്ന എല്ലാ ട്രീറ്റ്മെൻ്റുകൾ പോലെതന്നെയും അത്യന്താപേക്ഷിതമാണ് എന്തെ്ല്ലാം ഉള്ളിലേയ്ക്ക് നൽകുന്നു എന്നത്. നിങ്ങൾ ആരോഗ്യകരമായ പോഷക ഗുണങ്ങൾ നിറഞ്ഞ ഭക്ഷമണാണ് കഴിക്കുന്നതെന്ന് എപ്പോഴും ഉറപ്പുവരുത്തുക. പുറമെ എന്തെല്ലാം ഉപയോഗിച്ചാലും കഴിക്കുന് ഭക്ഷണം ആവശ്യത്തിന് പോഷകങ്ങൾ ശരീരത്തിന് നൽകുന്നില്ലെങ്കിൽ എല്ലാ പരിശ്രമങ്ങളും വിഫലമാണ്.
