മലയാളി പ്രേക്ഷകർക്കിടയില്‍ ഏറെ ആരാധകരുള്ള അവതാരകയാണ് പേളി മാണി. രസകരമായ സംസാര ശൈലിയും ലളിതമായ പെരുമാറ്റവുമാണ് പേളിയെ പ്രിയങ്കരിയാക്കിയത്.
മഴവില്‍ മനോരമയിലെ ‘ഡി ഫോർ ഡാൻസ്’ റിയാലിറ്റി ഷോയിലെ അവതാരകയായെത്തിയാണ് പേളി പ്രേക്ഷക മനസ്സിലിടം നേടിയത്.
ബിഗ് ബോസ് മലയാളത്തിന്റെ ആദ്യ സീസണിലൂടെയാണ് പേളി ശ്രീനിഷ് അരവിന്ദിനെ പരിചയപ്പെടുന്നതും പ്രണയത്തിലാവുന്നതും. നില, നിതാര എന്നിങ്ങനെ രണ്ടു പെണ്‍മക്കളാണ് ഈ ദമ്ബതികള്‍ക്കുള്ളത്.
ഇളയ മകള്‍ നിതാരയുടെ ജന്മശേഷം വീണ്ടു തന്റെ യൂട്യൂബ് ചാനലും അഭിമുഖങ്ങളുമൊക്കയായി വീണ്ടും സജീവമാവുകയാണ് പേളി.
ഇപ്പോഴിതാ, ചിങ്ങം ഒന്നിന് പുതിയൊരു തുടക്കം കുറിച്ച സന്തോഷം പങ്കിടുകയാണ് താരം.
“ഇന്ന് ചിങ്ങം ഒന്ന്, മലയാളം പുതുവർഷത്തിൻ്റെ ആദ്യ ദിനം, വർഷങ്ങളായി എൻ്റെ ഹൃദയത്തില്‍ പതിഞ്ഞ ഒരു കാര്യം ഒടുവില്‍ ഞാൻ ടിക്ക് ചെയ്യുന്നു- ഭരതനാട്യത്തിലേക്ക് മടങ്ങുന്നു!
എൻ്റെ ഗുരു ഇന്ന് എത്തി. പരമ്ബരാഗത രീതിയില്‍ ഗുരു ദക്ഷിണ നല്‍കിയ ശേഷം ഞങ്ങള്‍ എൻ്റെ ആദ്യ പാഠം ആരംഭിച്ചു. എൻ്റെ ഹൃദയം ഒരിക്കലും മറക്കാത്തത് ഓർക്കാൻ എൻ്റെ കാലുകള്‍ ശ്രമിക്കുന്നതുപോലെ തോന്നി!
കുട്ടിക്കാലത്ത്, എൻ്റെ ആദ്യ ഗുരു താരകല്യണില്‍ നിന്നാണ് ഞാൻ ശാസ്ത്രീയ നൃത്തം പഠിച്ചത്. ഞാനും നൃത്തം ചെയ്തു, വളഞ്ഞു, വീണു. പക്ഷേ ജീവിതം മുന്നോട്ടുപോയപ്പോള്‍ എനിക്ക് അത് താല്‍ക്കാലികമായി നിർത്തേണ്ടിവന്നു. ഇപ്പോള്‍, ഒരു അമ്മയെന്ന നിലയില്‍, പുതിയ എന്തെങ്കിലും ആരംഭിക്കാൻ ഒരിക്കലും വൈകിയിട്ടില്ലെന്ന് എൻ്റെ കുട്ടികളെ ഓർമ്മിപ്പിക്കാൻ ഞാൻ ആഗ്രഹിക്കുന്നു, എന്നെ തന്നെയും. നിങ്ങളുടെ പേശികള്‍ ആദ്യം മറ്റെന്തെങ്കിലും വിചാരിച്ചാലും!
പുതിയ തുടക്കങ്ങള്‍, വേദനയുള്ള പേശികള്‍, അഭിനിവേശങ്ങള്‍ വീണ്ടും കണ്ടെത്തുന്നതിലുള്ള സന്തോഷം…,”പേളി കുറിച്ചു.
ഗുരുവിന് ദക്ഷിണ നല്‍കുന്ന പേളിയെ ചിത്രങ്ങളില്‍ കാണാം, ഒപ്പം ശ്രീനിഷിനെയും മക്കളായ നിലയേയും നിതാരയേയും.
