രാജ്യത്ത് ലോക്‌സഭാ തിരഞ്ഞെടുപ്പ് നടക്കുന്നതിനിടെ തുടർച്ചയായ രണ്ടാം മാസവും എൽപിജി സിലിണ്ടറുകളുടെ(LPG Cylinder price ) വില കുറച്ച്(slashed) എണ്ണ വിപണന കമ്പനികൾ(Oil companies). ഇത്തവണയും 19 കിലോഗ്രാം വാണിജ്യ വാതക സിലിണ്ടറിൻ്റെ(Commercial LPG cylinder) വിലയിലാണ് കുറവ്. ഡൽഹി മുതൽ മുംബൈ വരെ സിലിണ്ടർ വിലയിൽ 19-20 രൂപ വരെ കുറഞ്ഞു. അതേസമയം, ഗാർഹിക ആവശ്യത്തിന് ഉപയോഗിക്കുന്ന 14.2 കിലോഗ്രാം എൽപിജി സിലിണ്ടറിൻ്റെ വിലയിൽ ഇത്തവണയും മാറ്റമില്ല.
എണ്ണ വിപണന കമ്പനിയായ ഇന്ത്യൻ ഓയിലിൻ്റെ വെബ്‌സൈറ്റ് അനുസരിച്ച്, മെയ് 1 മുതൽ രാജ്യ തലസ്ഥാനമായ ഡൽഹിയിൽ 19 കിലോഗ്രാം വാണിജ്യ ഗ്യാസ് സിലിണ്ടറിൻ്റെ വില 19 രൂപ കുറച്ചു. ഇപ്പോൾ 1764.50 രൂപയുണ്ടായിരുന്ന സിലിണ്ടർ 1745.50 രൂപയ്ക്ക് ലഭിക്കും. അതുപോലെ, മുംബൈയിൽ വാണിജ്യ എൽപിജി സിലിണ്ടറിൻ്റെ വില 1717.50 രൂപയിൽ നിന്ന് 1698.50 രൂപയായി കുറഞ്ഞു. ചെന്നൈയിലും ഈ സിലിണ്ടറിന് 19 രൂപ കുറഞ്ഞു, വില 1930 രൂപയിൽ നിന്ന് 1911 രൂപയായി കുറഞ്ഞിട്ടുണ്ട്.
എന്നാൽ കൊൽക്കത്തയിൽ വാണിജ്യ സിലിണ്ടറിന് ഒരു രൂപ കൂടി അതായത് 20 രൂപ കുറഞ്ഞു. ഇതുവരെ 1879 രൂപയ്ക്ക് വിറ്റിരുന്ന സിലിണ്ടറിന് 1859 രൂപയായി.
ഏപ്രിൽ മാസത്തിൽ
പുതിയ സാമ്പത്തിക വർഷത്തിൻ്റെ ആദ്യ ദിവസമായ ഏപ്രിൽ 1 ന്, എണ്ണ വിപണന കമ്പനികൾ വാണിജ്യ എൽപിജി സിലിണ്ടർ വില കുറച്ചുകൊണ്ട് ഉപഭോക്താക്കൾക്ക് വലിയ ആശ്വാസം നൽകിയിരുന്നു. ഇതിന് പിന്നാലെ തലസ്ഥാനമായ ഡൽഹിയിൽ 19 കിലോഗ്രാം എൽപിജി സിലിണ്ടറിന് 30.50 രൂപ കുറഞ്ഞ് 1764.50 രൂപയായി. അതേസമയം, കൊൽക്കത്തയിൽ വാണിജ്യ സിലിണ്ടറിന് 32 രൂപ കുറഞ്ഞ് ഇവിടെ 1879 രൂപയായി. മുംബൈയിൽ സിലിണ്ടറിന് 31.50 രൂപ കുറഞ്ഞ് 1717.50 രൂപയായും ചെന്നൈയിൽ 30.50 രൂപ കുറഞ്ഞ് 1930 രൂപയായും വില കുറഞ്ഞു.
ഗാർഹിക സിലിണ്ടറിൻ്റെ വിലയിൽ മാറ്റമില്ല
വാണിജ്യ സിലിണ്ടർ വില കുറയുന്നതിനാൽ പുറത്ത് നിന്ന് ഭക്ഷണം കഴിക്കുന്നതിനും ഇനി ചെലവ് കുറഞ്ഞേക്കാം. എന്നാൽ ഗാർഹിക സിലിണ്ടർ വില മാറ്റമില്ലാതെ തുടരുന്നതാണ് തലവേദന. ഡൽഹിയിൽ ഇതിൻ്റെ വില 803 രൂപയും ഉജ്ജ്വല ഗുണഭോക്താക്കൾക്ക് 603 രൂപയുമാണ്. മുമ്പത്തെപ്പോലെ ഗാർഹിക സിലിണ്ടറിന് കൊൽക്കത്തയിൽ 829 രൂപയ്ക്കും മുംബൈയിൽ 802.50 രൂപയ്ക്കും ചെന്നൈയിൽ 818.50 രൂപയ്ക്കും ലഭ്യമാണ്. വനിതാ ദിനത്തിൽ 14 കിലോ ഗാർഹിക ഗ്യാസ് സിലിണ്ടറിൻ്റെ വില 100 രൂപ കുറച്ചിരുന്നു.
