കേരളത്തിലെ 12 ജില്ലകളിൽ ഇന്ന് മഴയ്ക്ക് സാധ്യതയുള്ളതായി കേന്ദ്രകാലാവസ്ഥാ വകുപ്പ് അറിയിച്ചു. പ്രധാനമായും തെക്കൻ കേരളത്തിലെ ജില്ലകളിലാണ് ഇന്ന് മഴയ്ക്ക് സാധ്യത.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശ്ശൂർ, മലപ്പുറം, കണ്ണൂർ, വയനാട്, കോഴിക്കോട്, എന്നീ ജില്ലകളിൽ ശക്തമായ മഴയ്ക്കും ഇടിമിന്നലിനും സാധ്യതയുളളതായി കേന്ദ്രകാലാവസ്ഥാ വകുപ്പ് അറിയിച്ചു.
കേരളത്തിന് പുറമെ ലക്ഷദ്വീപിലും തെക്ക് കിഴക്കൻ തെലങ്കാന, കിഴക്കൻ മേഘാലയ, തെക്കുകിഴക്കൻ അസം, മണിപ്പൂർ എന്നിവിടങ്ങളിൽ അടുത്ത ഏതാനും മണിക്കൂറുകളിൽ ഇടിമിന്നലോടും ശക്തമായ കാറ്റിനോടും മിന്നലിനോടും ഒപ്പം മിതമായ മഴയ്ക്കും സാധ്യതയുണ്ട്.
