കേന്ദ്രമന്ത്രിമാരുമായി (Union Ministers) കൂടിക്കാഴ്ച നടത്തി പ്രധാനമന്ത്രി നരേന്ദ്രമോദി (PM Narendra Modi). വിവാദ പ്രസ്താവനകൾ ഒഴിവാക്കാനും അമിതമായി സംസാരിക്കുന്നത് ഒഴിവാക്കാനും ഈ യോഗത്തിൽ മന്ത്രിമാരോട് അദ്ദേഹം നിർദ്ദേശിച്ചു. എപ്പോൾ സംസാരിക്കുമ്പോഴും ആലോചിച്ച് സംസാരിക്കണം എന്നും പ്രധാനമന്ത്രി കേന്ദ്രമന്ത്രിമാരോട് പറഞ്ഞു. ലോക്സഭാ തിരഞ്ഞെടുപ്പ് അടുത്തിരി ക്കെയാണ് പ്രധാനമന്ത്രിയുടെ നിർദ്ദേശം.
ഗഹനമായ വ്യാജങ്ങൾക്കെതിരെ ജാഗ്രത പാലിക്കാൻ പ്രധാനമന്ത്രി തൻ്റെ മന്ത്രി സഭയിലെ അംഗങ്ങളോട് ആവശ്യപ്പെട്ടു. നിങ്ങൾക്ക് സംസാരിക്കണമെങ്കിൽ സർക്കാർ പദ്ധതികളെക്കുറിച്ച് സംസാരിക്കണമെന്നും വിവാദ പ്രസ്താവനകൾ ഒഴിവാക്കണമെന്നും പ്രധാനമന്ത്രി പറഞ്ഞു.
ബിജെപി പുറത്തിറക്കിയ 195 ലോക്സഭാ സ്ഥാനാർത്ഥികളുടെ ആദ്യ പട്ടികയിൽ, നിലവിലെ രാജ്യസഭാ എംപിമാരും മോദി സർക്കാരിൽ മന്ത്രിസ്ഥാനം വഹിക്കുന്നവരുമായ 7 പേരുണ്ട്. മധ്യപ്രദേശിലെ ഗുണയിൽ നിന്നുള്ള ജ്യോതിരാദിത്യ സിന്ധ്യ, ഗുജറാത്തിലെ പോർബന്തറിൽ നിന്നുള്ള മൻസുഖ് മാണ്ഡവ്യ, രാജസ്ഥാനിലെ അൽവാറിൽ നിന്നുള്ള ഭൂപേന്ദ്ര യാദവ്, കേരളത്തിലെ തിരുവനന്തപുരത്ത് നിന്നുള്ള രാജീവ് ചന്ദ്രശേഖർ, അസമിലെ ദിബ്രുഗഡിൽ നിന്നുള്ള സർബാനന്ദ സോനോവാൾ, ഗുജറാത്തിലെ രാജ്‌കോട്ടിൽ നിന്നുള്ള പർസോത്തമൈ രൂപാല, വി മുരളീധരൻ എന്നിവരും ഇതിൽ ഉൾപ്പെടുന്നു.
