കുട്ടികളും മുതിര്‍ന്നവരും ഒരുപോലെ ഇഷ്ടപ്പെടുന്ന പഴമാണ് സ്ട്രോബറി. പുറമെയുളള ഭംഗി പോലെ തന്നെ അകവും നല്ല സ്വാദിഷ്ടവും ആരോഗ്യമുളളതുമാണ്.
തെളിഞ്ഞ ചുവപ്പ് നിറത്തിലുള്ള ആരോഗ്യദായകമായ ഈ പഴം ആൻറിഓക്സിഡൻറ് ഘടകങ്ങളാല്‍ സമ്ബന്നമാണ്. ഇതില്‍ ധാരാളം പോഷകഗുണങ്ങള്‍ അടങ്ങിയിരിക്കുന്നു. നമ്മുടെ ശരീരത്തിന് ഏറേ ആവശ്യമുള്ള ഒന്നാണ് വിറ്റാമിൻ സി. സ്ട്രോബറിയില്‍ വിറ്റാമിൻ സി ധാരാളമായി അടങ്ങിയിരിക്കുന്നു.
ഒന്ന്… സ്ട്രോബെറിയില്‍ വര്‍ണ്ണാഭമായ പിഗ്മെന്റുകള്‍ അടങ്ങിയിട്ടുണ്ട്. അവയ്ക്ക് സംരക്ഷണ ഫലമുണ്ട്. ഇതിലെ ആന്തോസയാനിഡിനുകള്‍ക്ക് കോശജ്വലന അവസ്ഥകളും ഹൃദ്രോഗവും തടയുന്നത് ഉള്‍പ്പെടെ നിരവധി ആരോഗ്യ ഗുണങ്ങള്‍ ഉണ്ടെന്ന് പഠനങ്ങള്‍ പറയുന്നു.
രണ്ട്… സ്ട്രോബെറി കഴിക്കുന്നത് ഗ്ലൂക്കോസിന്റെ ദഹനത്തെ മന്ദഗതിയിലാക്കുകയും ഇൻസുലിൻ ഉപയോഗം നിയന്ത്രിക്കുകയും ചെയ്യുന്നു. പ്രത്യേകിച്ചും ഉയര്‍ന്ന കാര്‍ബോഹൈഡ്രേറ്റ് ഭക്ഷണത്തോടൊപ്പം അവ കഴിക്കുമ്ബോള്‍.
മൂന്ന്… സ്ട്രോബെറിയില്‍ പോളിഫെനോള്‍സ് എന്ന സംരക്ഷിത സസ്യ സംയുക്തങ്ങള്‍ അടങ്ങിയിട്ടുണ്ട്. അവയില്‍ എലാജിക് ആസിഡ്, എലാജിറ്റാനിൻസ് എന്നിവ സഹായിക്കുന്നു. പ്രത്യേകിച്ചും അവ രക്തത്തിലെ പഞ്ചസാരയെ നിയന്ത്രിക്കുകയും രക്തസമ്മര്‍ദ്ദം നിയന്ത്രിക്കുകയും ചെയ്യുന്നു.
നാല്… ചില ക്യാൻസറുകള്‍ തടയാൻ സ്ട്രോബെറിക്ക് കഴിയുമെന്ന് പഠനങ്ങള്‍ സൂചിപ്പിക്കുന്നു. എലാജിക് ആസിഡും എലാജിറ്റാനിൻസും ഉള്‍പ്പെടെയുള്ള പോളിഫെനോളുകളുടെ സംയോജനമാണ് സംരക്ഷണ ഫലമെന്ന് കരുതപ്പെടുന്നു, സ്ട്രോബെറി ക്യാൻസര്‍ കോശങ്ങളുടെ വളര്‍ച്ചയെ തടയുന്നു.
അഞ്ച്… സ്ട്രോബെറിക്ക് കുറഞ്ഞ ഗ്ലൈസെമിക് സൂചിക (ജിഐ) ആണുള്ളത്. അതിനാല്‍ രക്തത്തിലെ പഞ്ചസാരയുടെ അളവ് മിതമായ തോതില്‍ പുറത്തുവിടാൻ സഹായിക്കുന്നു. ശരീരഭാരം നിയന്ത്രിക്കുന്നതിനും അമിതവണ്ണവുമായി ബന്ധപ്പെട്ട രോഗങ്ങള്‍ കുറയ്ക്കുന്നതിനും കുറഞ്ഞ ജിഐ ഭക്ഷണങ്ങള്‍ അടങ്ങിയ ഭക്ഷണക്രമം ഗുണം ചെയ്യുമെന്ന് പഠനങ്ങള്‍ സൂചിപ്പിക്കുന്നു.
