ഇംഗ്ലണ്ടിനെതിരായ(England) ടെസ്റ്റ് പരമ്പരയിലെ ആദ്യ രണ്ട് മത്സരങ്ങള്‍ക്കുള്ള ഇന്ത്യന്‍ ടീമിനെപ്രഖ്യാപിച്ചു. 16 അംഗ ടീമിനെയാണ് ബിസിസിഐ പ്രഖ്യാപിച്ചത്. രോഹിത് ശര്‍മയാണ് ടീമിന്റെ നായകന്‍. വിക്കറ്റ് കീപ്പര്‍ ബാറ്റ്‌സ്മാന്‍ ധ്രുവ് ജുറലും ടീമില്‍ ഇടംപിടിച്ചിട്ടുണ്ട്. ഫാസ്റ്റ് ബൗളര്‍ മുഹമ്മദ് ഷമിയുംവിക്കറ്റ് കീപ്പര്‍ ഇഷാന്‍ കിഷനും ടീമിലില്ല. ലോകകപ്പ് ക്രിക്കറ്റ് മത്സരത്തിനിടെ പരിക്കേറ്റ ഷമിക്ക് ഇതുവരെ സുഖം പ്രാപിച്ചിട്ടില്ല. ജനുവരി 25 മുതലാണ് ഇന്ത്യയും ഇംഗ്ലണ്ടും തമ്മിലുള്ള അഞ്ച് മത്സരങ്ങളടങ്ങിയ ടെസ്റ്റ് പരമ്പര.
ബോളിങ് നിരയിൽ അഴിച്ചുപണി
ഫാസ്റ്റ് ബൗളര്‍ ആവേശ് ഖാനെയും ടീമില്‍ ഉള്‍പ്പെടുത്തി. ദക്ഷിണാഫ്രിക്കയ്ക്കെതിരായ ടെസ്റ്റ് പരമ്പരയുടെ ഭാഗമായിരുന്ന പ്രസിദ് കൃഷ്ണയെക്കാളും ആവേശിന് മുന്‍ഗണന നല്‍കിയിട്ടുണ്ട്. ഷാര്‍ദുല്‍ താക്കൂറിനും ടീമില്‍ ഇടം ലഭിച്ചിട്ടില്ല. ദക്ഷിണാഫ്രിക്കയ്ക്കെതിരായ ടെസ്റ്റ് പരമ്പരയിൽ ഷാര്‍ദുല്‍ ഭാഗമായിരുന്നു. സ്പിന്‍ ബൗളര്‍ കുല്‍ദീപ് യാദവ്, ഓള്‍റൗണ്ടര്‍ അക്‌സര്‍ പട്ടേല്‍ എന്നിവരും ടീമില്‍ ഇടം നേടിയിട്ടുണ്ട്. അക്‌സറും കുല്‍ദീപുംദക്ഷിണാഫ്രിക്കന്‍ പരമ്പരയുടെ ഭാഗമായിരുന്നില്ല.
16 അംഗ ടീമില്‍ ജൂറലിന് പുറമെ കെഎല്‍ രാഹുല്‍, കെഎസ് ഭരത് എന്നിവരും വിക്കറ്റ് കീപ്പര്‍മാരായി ഇടം നേടിയിട്ടുണ്ട്. ആകെ മൂന്ന് വിക്കറ്റ് കീപ്പര്‍മാര്‍ ഇത്തവണ ടീമിലുണ്ട്.ആഭ്യന്തര ക്രിക്കറ്റില്‍ ഉത്തര്‍പ്രദേശിനെ പ്രതിനിധീകരിക്കുന്ന 22 കാരനായ ധ്രുവ് ജുറെല്‍ ഐപിഎല്ലില്‍ രാജസ്ഥാന്‍ റോയല്‍സിന്റെ ഭാഗമാണ്.15 ഫസ്റ്റ് ക്ലാസ്, 10 ലിസ്റ്റ്-എ, 23 ടി20 മത്സരങ്ങള്‍ താരം ഇതുവരെ കളിച്ചിട്ടുണ്ട്.
ആദ്യ രണ്ട് ടെസ്റ്റ് മത്സരങ്ങള്‍ക്കുള്ള ഇന്ത്യന്‍ ടീം:
രോഹിത് ശര്‍മ്മ (ക്യാപ്റ്റന്‍), ശുഭ്മാന്‍ ഗില്‍, യശസ്വി ജയ്സ്വാള്‍, വിരാട് കോലി, ശ്രേയസ് അയ്യര്‍, കെ എല്‍ രാഹുല്‍ (വിക്കറ്റ് കീപ്പര്‍), കെ എസ് ഭരത് (വിക്കറ്റ് കീപ്പര്‍), ധ്രുവ് ജുറെല്‍ (വിക്കറ്റ് കീപ്പര്‍), രവിചന്ദ്രന്‍ അശ്വിന്‍, രവീന്ദ്ര ജഡേജ, അക്‌സര്‍ പട്ടേല്‍, കുല്‍ദീപ് യാദവ്, മുഹമ്മദ് സിറാജ്, മുകേഷ് കുമാര്‍, ജസ്പ്രീത് ബുംറ (വൈസ് ക്യാപ്റ്റന്‍), ആവേശ് ഖാന്‍.
ഇത്തവണ ആതിഥേയര്‍ക്ക് കടുത്ത വെല്ലുവിളി ഉയര്‍ത്താന്‍ പൂര്‍ണ തയ്യാറെടുപ്പോടെയാണ് ഇംഗ്ലീഷ് ടീം ഇന്ത്യയിലെത്തുന്നത്. ഇംഗ്ലണ്ടിന്റെ ടീമിനെ നേരത്തെ പ്രഖ്യാപിച്ചിരുന്നു.
ഇന്ത്യ Vs ഇംഗ്ലണ്ട് ടെസ്റ്റ് സീരീസ് ഷെഡ്യൂള്‍
ഒന്നാം ടെസ്റ്റ്: ജനുവരി 25-29, ഹൈദരാബാദ്
രണ്ടാം ടെസ്റ്റ്: ഫെബ്രുവരി 2-6, വിശാഖപട്ടണം
മൂന്നാം ടെസ്റ്റ്: ഫെബ്രുവരി 15-19, രാജ്‌കോട്ട്
അഞ്ചാം ടെസ്റ്റ്: മാര്‍ച്ച് 7-11 , ഹോസ്പിസ്
ഇന്ത്യക്കെതിരായ ടെസ്റ്റ് പരമ്പരയ്ക്കുള്ള ഇംഗ്ലണ്ട് ടീം:
ബെന്‍ സ്റ്റോക്‌സ് (ക്യാപ്റ്റന്‍), റെഹാന്‍ അഹമ്മദ്, ജെയിംസ് ആന്‍ഡേഴ്‌സണ്‍, ഗസ് അറ്റ്കിന്‍സണ്‍, ജോണി ബെയര്‍‌സ്റ്റോ, ഷോയിബ് ബഷീര്‍, ബ്രൂക്ക്, ജാക്ക് ക്രാളി, ബെന്‍ ഡക്കറ്റ്, ബെന്‍ ഫോക്കസ്, ടോം ഹാര്‍ട്ട്‌ലി, ജാക്ക് ലീച്ച്, ഒലി പോപ്പ്, ഒലി റോബിന്‍സണ്‍, ജോ റൂട്ട്, മാര്‍ക്ക് വുഡ്
