വേദന സംഹാരി മെഫ്താലിന് ഗുരുതരമായ പാര്‍ശ്വഫലങ്ങള്‍.

0
66

ന്യൂദല്‍ഹി: വേദനസംഹാരിയായ മെഫ്താലിന്‍ ഗുരുതരമായ പാര്‍ശ്വഫലങ്ങള്‍ ഉണ്ടാക്കുമെന്ന് ഇന്ത്യന്‍ ഫാര്‍മക്കോപ്പിയ കമ്മിഷന്‍.

ഈ മരുന്ന് ആന്തരിക അവയവങ്ങളെ ബാധിച്ചേക്കുമെന്നും മുന്നറിയിപ്പില്‍ പറയുന്നു. കുറിപ്പടിയില്ലാതെ വാങ്ങാന്‍ കഴിയുന്ന വേദനാസംഹാരിയാണിത്. അതിനാല്‍ മിക്കവരും വേദന വരുമ്ബോള്‍ ഇത് വാങ്ങിക്കഴിക്കും.

തലവേദന, സന്ധി വേദന, ആര്‍ത്തവ വേദന തുടങ്ങിയവയ്‌ക്ക് സാധാരണയായി ഉപയോഗിക്കുന്ന മരുന്നാണ് ഇത്. കുട്ടികളിലെ കടുത്ത പനി കുറയ്‌ക്കാനും ഇത് വ്യാപകമായി ഉപയോഗിക്കുന്നു. ഒരു നിയന്ത്രണവുമില്ലാതെ ഇതുപയോഗിക്കുന്ന സാഹചര്യത്തിലാണ് മുന്നറിയിപ്പ്.

മെഫ്താലിന്റെ ഉപയോഗം അലര്‍ജിക്ക് കാരണമാകുമെന്നും മുന്നറിയിപ്പില്‍ പറയുന്നു. ചില മരുന്നുകളോട് ശരീരം ശക്തമായി പ്രതികരിക്കുമ്ബോഴാണ് ഈ ലക്ഷണം ഉണ്ടാകുന്നത്. ഇത് ചര്‍മ്മത്തില്‍ ചുണങ്ങു പോലെ പ്രത്യക്ഷപ്പെടുകയും ആന്തരിക അവയവങ്ങളെ ബാധിക്കുകയും ചെയ്യും. ഇവ ഒഴിവാക്കാന്‍ മരുന്ന് ഉപയോഗത്തില്‍ ജാഗ്രത പാലിക്കണം. മരുന്നിന്റെ പാര്‍ശ്വഫലങ്ങള്‍ സൂക്ഷമമായി നിരീക്ഷിക്കാന്‍ ആരോഗ്യ പ്രവര്‍ത്തകരോടും രോഗികളോടും ആവശ്യപ്പെട്ടിട്ടുണ്ട്.

 

LEAVE A REPLY

Please enter your comment!
Please enter your name here