ശബരിമല: അയ്യപ്പ ദര്‍ശനത്തിനായി തീര്‍ത്ഥാടകര്‍ ക്യൂ നില്‍ക്കുന്ന വലിയ നടപ്പന്തലില്‍ എല്ലാ ഭാഗത്തും ഫാൻ സ്ഥാപിക്കാൻ തിങ്കളാഴ്ച ചേര്‍ന്ന ദേവസ്വം ബോര്‍ഡ് യോഗത്തില്‍ തീരുമാനിച്ചു.
വലിയ ലീഫുള്ള (എച്ച്‌.ഇ.എല്‍.എസ്.- റ്റി.എം എസ് എം) ഫാനാണ് സ്ഥാപിക്കുക.
തീര്‍ത്ഥാടനം തുടങ്ങുന്നതിന് തൊട്ട് മുൻപ് വലിയ നടപ്പന്തലിൻ്റെ കുറച്ചു ഭാഗത്ത് കാറ്റ് കിട്ടുന്ന രീതിയില്‍ മൂന്നെണ്ണം സ്ഥാപിച്ചിരുന്നു. ബാക്കിയുള്ള ഭാഗത്ത് 16 അടി ലീഫിന് വീതിയുള്ള നാലെണ്ണം കൂടി സ്ഥാപിക്കും.
ഒരു ഫാനിന് മൂന്ന് ലക്ഷത്തി എണ്‍പത്തിമൂവായിരത്തി അഞ്ഞൂറ് രൂപയാണ് വില. ഇത്തരത്തിലുള്ള കൂടുതല്‍ ഫാൻ സ്ഥാപിക്കുന്നതോടെ വലിയ നടപ്പന്തലില്‍ തീര്‍ത്ഥാടകര്‍ നില്‍ക്കുന്ന എല്ലാ ഭാഗത്തും കാറ്റ് ലഭ്യമാക്കാൻ കഴിയും.
