ഇടുക്കി: കെഎസ്‌ആര്‍ടിസിയും ലോറിയും കൂട്ടിയിടിച്ച്‌ അപകടം. ഇടുക്കി ചേലച്ചുവട്ടിലാണ് സംഭവം. അപകടത്തില്‍ എട്ടു പേര്‍ക്ക് പരിക്കേറ്റു.കെഎസ്‌ആര്‍ടിസി ബസും ടോറസ് ലോറിയുമാണ് കൂട്ടിയിടിച്ചത്.
തൊടുപുഴയില്‍ നിന്ന് ചേലച്ചുവട്ടിലേയ്ക്ക് വരികയായിരുന്നു കെഎസ്‌ആര്‍ടിസി ബസ്. സ്റ്റാൻഡിലേക്ക് പ്രവേശിക്കുമ്ബോള്‍ എതിരെ വന്ന ടോറസുമായി ബസ് കൂട്ടിയിടിക്കുകയായിരുന്നു. അപകടത്തില്‍ നിയന്ത്രണം നഷ്ടപ്പെട്ട ബസ് സമീപത്തെ ഹൈമാസ് ലൈറ്റിന്റ പോസ്റ്റില്‍ ഇടിച്ച്‌ നിന്നു.
അപകടത്തില്‍ കെഎസ്‌ആര്‍ടിസി ഡ്രൈവര്‍ക്ക് സാരമായി പരിക്കേറ്റു. ഇദ്ദേഹത്തെ ഇടുക്കി മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. സംഭവം നടന്നയുടനെ ഡ്രൈവറെ നാട്ടുകാര്‍ ചേര്‍ന്ന് പുറത്തെത്തിച്ച്‌ ആശുപത്രിയിലേക്ക് കൊണ്ടുപോവുകയായിരുന്നു.
