ഒക്ടോബർ 5ന് ആരംഭിക്കുന്ന ഏകദിന ക്രിക്കറ്റിൽ ലോകകപ്പിൽ ഇന്ത്യൻ ക്രിക്കറ്റ് കൺട്രോൾ ബോർഡിന്റെ (ബിസിസിഐ) വിശിഷ്ടാതിഥിയായി സൂപ്പർ സ്റ്റാർ രജനികാന്ത് പങ്കെടുക്കും. ലോകകപ്പിനുള്ള ഗോൾഡൻ ടിക്കറ്റ് കഴിഞ്ഞ ദിവസം ബിസിസിഐ സെക്രട്ടറി ജയ്ഷാ രജനീകാന്തിനു സമ്മാനിച്ചു.
‘സിനിമയ്ക്ക് അപ്പുറമുള്ള പ്രതിഭാസം, രജനികാന്തിന് ഗോൾഡൻ ടിക്കറ്റ് ബിസിസിഐ സെക്രട്ടറി ജെയ്ഷ് കൈമാറുന്നു. ഭാഷയ്ക്കും സംസ്‌കാരത്തിനും അതീതമായി ലക്ഷക്കണക്കിന് ആളുകളുടെ ഹൃദയത്തിൽ മായാത്ത വ്യക്തിമുദ്ര പതിപ്പിച്ച ഇതിഹാസ നടൻ. 2023ലെ ലോകകപ്പ് ക്രിക്കറ്റിന് ഞങ്ങളുടെ വിശിഷ്ടാതിഥിയായി അദ്ദേഹം പങ്കെടുക്കും’ ബിസിസിഐ ഫോട്ടോയ്‌ക്കൊപ്പം കുറിച്ചു.
ലോകകപ്പിന്റെ പ്രചാരണാർഥം വിവിധ മേഖലകളിലെ പ്രമുഖർക്ക് ബിസിസിഐ ഗോൾഡൻ ടിക്കറ്റ് നൽകുന്നുണ്ട്. ടൂർണമെന്റിലെ എല്ലാ മത്സരങ്ങളും നേരിട്ടു കാണാൻ ഈ ഗോൾഡൻ ടിക്കറ്റ് വഴി സാധിക്കും.
