തെന്നിന്ത്യൻ ചലച്ചിത്ര രംഗത്ത് നിറഞ്ഞ് നിന്ന നടിയായിരുന്നു നിരോഷ. തമിഴിലും മലയാളത്തിലും തെലുങ്കിലുമായി നിരവധി ചിത്രങ്ങളിൽ നിരോഷ അഭിനയിച്ചിട്ടുണ്ട്. നടൻ റാംകിയെ 1995 ൽ വിവാഹം കഴിച്ചതിന് പിന്നാലെ സിനിമാ രംഗത്ത് നിന്നും വിട്ടു നിൽക്കുകയായിരുന്നു. എന്നാൽ കുറെ കാലത്തിന് ശേഷം ലാൽ സലാം എന്ന ചിത്രത്തിലൂടെ തിരിച്ചു വരവിനൊരുങ്ങുകയാണ് നിരോഷ.
ഇപ്പോഴിതാ നിരോഷയുമായി ബന്ധപ്പെട്ട മറ്റൊരു വാർത്തയാണ് പുറത്തുവരുന്നത്. താരത്തിന്റെ വീട്ടിൽ മോഷണം നടന്നിരിക്കുകയാണ്. സംഭവത്തിൽ പരാതിയുമായി ചെന്നൈയിലെ തേനംപേട്ട് പോലീസ് സ്‌റ്റേഷനിൽ പരാതി നൽകിയിട്ടുണ്ട്. വീട്ടിന്റെ ആരാധം അടക്കം നിരവധി രേഖകൾ മോഷണം പോയെന്നാണ് പരാതിയിൽ പറയുന്നു.
സംഭവത്തിൽ കേസെടുത്ത പോലീസ് അന്വേഷണം ആരംഭിച്ചിട്ടുണ്ട്. നിരോഷയും ഭർത്താവ് റാംകിയും താമസിക്കുന്ന തേനംപേട്ടിലെ ജെമിനി ഹൗസിംഗ് കോംപ്ലക്‌സിലെ ഇവരുടെ അപ്പാർട്ട്‌മെൻറിലാണ് മോഷണം നടന്നിരിക്കുന്നത്. നിരോഷയുടേയും ഭർത്താവിന്റേയും മൊഴി പോലീസ് രേഖപ്പെടുത്തിയിട്ടുണ്ട്.
